بايىپتى بايلانىستار بولاشاعى

كەشە ەلوردادا تۇرىك رەسپۋبليكاسىنىڭ پرەزيدەنتى ابدۋللا گۇلدىڭ ەلىمىزگە رەسمي ساپارى اياسىندا ەكى ەل كاسىپكەرلەرىنىڭ بيزنەس-فورۋمى باستالدى. فورۋم جۇمىسىنا ەكى ەلدىڭ 300-دەن استام كومپانيالارى قاتىسۋدا. يندۋستريا جانە جاڭا تەحنو­لو­گيا­لار ۆيتسە-ءمينيسترى بەرىك كا­ما­ليەۆ ىسكەر توپ وكىلدەرىنە فورۋمعا قاتىسىپ وتىرعاندارىنا ريزاشى­لى­عىن بىلدىرە كەلە, بيزنەستى جۇرگىزۋگە بايلانىستى قانداي دا ءبىر اكىمشىلىك كەدەرگىلەر جانە وزگە دە توسقاۋىلدار, قاعازباستىلىق ورىن الاتىن بولسا, ءبىز ولاردى شەشىپ, تۇركيالىق بيزنەسمەندەرگە كومەك­تەسەتىن بولامىز, دەدى. ول تۇركيا­لىق كاسىپكەرلەرگە كەدەن وداعىنىڭ رىنوگىن يگەرۋدىڭ ماڭىزىن اتاپ, ونى يگەرۋگە شاقىردى. فورۋم قورىتىندىسى بويىنشا ىنتىماقتاستىق تۋرالى مەموران­دۋمدارعا, ونىڭ ىشىندە اليۋميني ءوندىرىسى بويىنشا – “كيبار” جانە توقىما وندىرىسىندە – “چالىك” حولدينگتەرىمەن ىنتىماقتاستىق جايىنداعى مەموراندۋمدارعا قول قويىلماق. وسى رەتتە فورۋمدا قۇرىلىس جانە قۇرىلىس ماتە­ريالدارىن شىعارۋ, اۋىل شارۋا­شىلىعى, تاماق ونەركاسىبى, ماشينە جاساۋ مەن ورمان شارۋاشىلىعى, توقىما جانە دايىن كيىمدەر شىعارۋ, مال شارۋاشىلىعى, كەمە جاساۋ, مۇناي حيمياسى سالالارى اڭگىمە وزەگى بولعاندىعىن اتاپ وتكەن ءجون. ءابدىراحمان قىدىربەك.