قازاقستان • 08 قىركۇيەك، 2022

قوستانايداعى ءورت: بيزنەس شىعىنى

59 رەت كورسەتىلدى

وبلىس كاسىپكەرلەر پالاتاسى ءورت اۋماعىندا زارداپ شەككەن كاسىپكەرلەرگە كونسۋلتاتسيالار وتكىزىپ، كاسىپورىنداردىڭ شىعىنىن اپات ورنىنا بارىپ باعالاپ، پاسپورت دايىنداپ جاتىر. سونداي-اق بيزنەستەن تۇسكەن كومەكتى جيناپ، بيزنەس­كە تابىستاۋ ۇستىندە.

قوستاناي وبلىستىق كاسىپكەرلەر پالاتاسىنىڭ ديرەكتورى دانيار كۇزەنباەۆتىڭ مالىمەتىنشە، قازىر ب ۇلىنگەن بيزنەس نىساندارىنىڭ سانى – 18. ونىڭ ىشىندە اۋليەكول اۋدانىندا – 17 نىسان، قاراسۋ اۋدانىندا 1 نىسان ب ۇلىنگەن. سونداي-اق اۋىل شارۋاشىلىعى جابدىقتارىنان 1 كومباين مەن 1 تراكتور جانىپ كەتكەن.

بۇل رەتتە 12 كاسىپكەردىڭ مۇلكىنە كەلگەن زالال سوماسى 200 ملن تەڭگەدەن اساتىنى انىقتالعان. ال 6 نىسان زالال سوماسىن ءالى انىقتاپ جاتىر. ءدامحانا، تەحنيكالىق قىزمەت كورسەتۋ ستانساسى، ساۋدا جانە اۋىل شارۋاشىلىعى تاۋارىن وندىرۋشىلەر سياقتى شاعىن بيزنەس وكىلدەرى زارداپ شەگىپ وتىر.

«اتامەكەن» ۇلتتىق كاسىپكەرلەر پالاتاسىنىڭ تورالقا توراعاسى رايىمبەك باتالوۆتىڭ تاپسىرماسى بويىنشا توتەنشە جاعدايدىڭ العاشقى ساعاتتارىندا جەدەل شتاب قۇرىلعان بولاتىن. وندا زارداپ شەككەن كاسىپكەرلەر، سونداي-اق ەلدەگى بيزنەس وكىلدەرىنىڭ قوستاناي وبلىسىنا جىبەرەتىن كومەگىنە قاتىستى اقپارات جينالادى.

– وڭىرلىك كەڭەس مۇشەلەرىمەن بىرگە اۋليەكول اۋدانىنا زارداپ شەككەندەرگە ارنالعان ازىق-ت ۇلىك، كيىم-كەشەك جانە باسقا دا گۋمانيتارلىق كومەكپەن ەكى رەت باردىم. سونداي-اق ءبىز قارجى مەكەمەلەرىنىڭ باسشىلارىمەن قارىزداردى ەسەپتەن شىعارۋ ماسەلەسى بويىنشا جۇمىس جۇرگىزىپ جاتىرمىز. بانكتەر قارجى مەكەمەلەرىنىڭ اتىنا جازىلعان ءتيىستى حاتتاردى قاراۋ ۇستىندە. م ۇلىگىنە زالال كەلگەن بيزنەس سۋبەكتىلەرى انىقتالدى، كەرى بايلانىس ورناتىلدى، م ۇلىكتى تەكسەرۋ اكتىسى ازىرلەندى. نىسانداردى فوتو جانە ۆيدەوعا ءتۇسىرىپ، رەسمي تۇردە تىركەۋ جۇرۋدە. ورتتەن زارداپ شەككەندەردىڭ تولىق ءتىزىمىن، سونىڭ ىشىندە زالال سوماسى مەن نەسيەلىك بەرەشەكتى انىقتاۋ ءۇشىن كاسىپكەرلىك سۋبەكتىلەرىنە قوڭىراۋ شالۋ جالعاسىپ جاتىر، – دەيدى د.كۇزەنباەۆ.

قازاقستاندىق كاسىپكەرلەر ورتتەن زارداپ شەككەن تۇرعىندار ءۇشىن شامامەن 200 ملن تەڭگە (Kostanay Music Fest – 50 ملن تەڭگە، «اگروماشحولدينگ كز» جشس Allur زاۋىتىمەن بىرلەسىپ – 100 ملن تەڭگە)، سونداي-اق 56 ملن تەڭگەگە گۋمانيتارلىق كومەك جينادى. قوستاناي حالقىن قازاقستاننىڭ ءار تۇكپىرىندەگى وڭىرلىك كاسىپكەرلەر پالاتالارى بەلسەندى قولداپ وتىر.

6 قىركۇيەكتە شىعىس قازاقستان وڭىرلىك كاسىپكەرلەر پالاتاسىنان كومەك جولداندى. سونداي-اق تۇركىستان وبلىسىنان 3 جۇك كولىگى، مەكتەپ فورماسىنىڭ جاڭا جيىنتىقتارى بار 2 جۇك كولىگى، اقمولا كاسىپكەرلەر پالاتاسىنان ازىق-ت ۇلىك كەلگەن. كەشە گۋمانيتارلىق كومەك تيەلگەن فۋرالار تۇركىستان، سولتۇستىك قازاقستان، شىمكەنت، نۇر-سۇلتان وڭىرلىك پالاتالارىنان جولعا شىقتى.

سوڭعى جاڭالىقتار

وزىق تەحنولوگيالى وپەراتسيالار

مەديتسينا • بۇگىن، 07:09

ماڭىزى زور مادەني جوبا

قوعام • بۇگىن، 07:07

قاراشاداعى قارا ولەڭ

قوعام • بۇگىن، 07:04

«سپارتاك» سان سوقتىرىپ كەتتى

حوككەي • بۇگىن، 07:02

كۋكۋشكين كۇشىنە ەندى

تەننيس • بۇگىن، 07:00

جاس ساراپشىلار تالداۋى

ساياسات • كەشە

كەتىگىن تاپقان كاسىپورىن

ەكونوميكا • كەشە

ايان تۋرالى بايان

رۋحانيات • كەشە

ۇزدىكتەر انىقتالدى

فۋتبول • كەشە

ايازداعى اپات

ايماقتار • كەشە

ارحەولوگ اسۋلارى

قوعام • كەشە

ۇقساس جاڭالىقتار