«سامۇرىق-قازىنا» اق-نىڭ باسقارما توراعاسى الماسادام ساتقاليەۆ پەن «قازاقستاندىق اتوم ەلەكتر ستانتسيالارى» جشس ديرەكتورى تيمۋر جانتيكين بۋداپەشتتە ءسىم, ەنەرگەتيكا مينيسترلىگى جانە ۆەنگريانىڭ اتوم ەنەرگياسى جونىندەگى اگەنتتىگىنىڭ وكىلدەرىمەن, سونداي-اق «پاكش» اەس جانە EXIM بانكتىڭ باسشىلىعىمەن كەزدەسەدى.
ساپار باعدارلاماسىندا اتوم ستانتسياسىنا جانە بولاشاق جاڭا ەنەرگيا بلوكتارىنىڭ قۇرىلىس الاڭىنا بارۋ جوسپارلانعان.
قازاقستان وكىلدەرىن ۆەنگريانىڭ حالىقارالىق ارىپتەستەرمەن ءوزارا ءىس-قيمىل جاساۋ تاجىريبەسى, اەس-تىڭ ەلەكتر ەنەرگياسىنىڭ باعاسىنا اسەرى, ستانتسيا جۇمىسىنىڭ قاۋىپسىزدىگى, جوباعا جەرگىلىكتى بيزنەستىڭ قاتىسۋى ەرەكشە قىزىقتىرادى.
ء«بىزدىڭ ساپارىمىز نەگىزىنەن تاجىريبە الۋ سيپاتىندا بولىپ وتىر. اەس سالۋ جانە پايدالانۋ ىسىندەگى سىزدەردىڭ تاجىريبەلەرىڭىز ءبىزدى قىزىقتىرادى. قازاقستاندىق اەس جوباسىنىڭ حالىقارالىق بولۋى ءبىزدىڭ قوعام ءۇشىن وتە ماڭىزدى», دەدى ا. ساتقاليەۆ.
ونىڭ ايتۋىنشا, ستانتسيانى سالۋدىڭ ەگجەي-تەگجەيى تۋرالى تۇپكىلىكتى شەشىمدى قازاقستان ۇكىمەتى قابىلداۋى ءتيىس.
ۆەنگرلىك ارىپتەستەر اەس قۇرۋ بارىسىندا بارىنشا اشىق بولۋ جانە قوعاممەن اشىق ديالوگ قۇرۋ وتە ماڭىزدى ەكەنىن اتاپ ءوتتى. ولاردىڭ ايتۋىنشا, ستانتسيانى سالماس بۇرىن ونى حالىقتىڭ كوپشىلىگىنىڭ قولداۋىنا جۇگىنۋ كەرەك.
سونداي-اق قازاقستان دەلەگاتسياسى ۆەنگريانىڭ «EXIM Bank» ەكسپورتتىق-كرەديتتىك اگەنتتىگىنىڭ باسشىلىعىمەن كەلىسسوزدەر جۇرگىزەدى. ول حالىقارالىق ساۋدا جانە ينۆەستيتسيالارمەن اينالىسادى, الەمنىڭ 150 ەلىمەن ىنتىماقتاستىق جاسايدى.
