كەزدەسۋ بارىسىندا تاراپتار ەكى ەل اراسىنداعى ىنتىماقتاستىقتىڭ جاعدايى مەن پەرسپەكتيۆالىق باعىتتارى تۋرالى پىكىر الماستى, سونداي-اق الداعى كەزەڭگە ارنالعان ەكىجاقتى, ونىڭ ىشىندە قازاقستان مەن موڭعوليا اراسىنداعى ديپلوماتيالىق قارىم-قاتىناستاردىڭ 30 جىلدىعى اياسىندا اتاپ وتىلەتىن ءىس-شارالاردىڭ كەستەسىن تالقىلادى.
ەردەنەتسوگتىن ودبايار موڭعوليا پرەزيدەنتى ۋحنااگين حۋرەلسۋحتىڭ باستاماسى بويىنشا ىسكە اسىرىلىپ جاتقان ميلليارد اعاش وتىرعىزۋ جونىندەگى جوباعا قازاقستاننىڭ قاتىسۋىنا قىزىعۋشىلىق تانىتتى.
عالىمجان قويشىباەۆ ەكى ەلدىڭ اتالعان باعىتتارداعى ۇلتتىق باعدارلامالارى مەن جوبالارىنىڭ ماقساتتارى مەن مىندەتتەرىنىڭ ۇقساستىعىن ايتا وتىرىپ, ءوزارا ىنتىماقتاستىقتى ارتتىرۋ ماقساتىندا اتالعان ماسەلەلەردى الداعى ۇكىمەتارالىق كوميسسيا وتىرىسىنىڭ كۇن تارتىبىنە ەنگىزۋدى ۇسىندى. سونىمەن بىرگە, ول كونترارىپتەسىن ءبىر كۇن بۇرىن بولعان موڭعوليا ۇكىمەتىنىڭ جاڭا قۇرامىنىڭ بەكىتىلۋىمەن قۇتتىقتاپ, قازاق-موڭعول ارىپتەستىگىن بارلىق باعىتتاردا ودان ءارى نىعايتۋ ماقساتىندا ەكى ەلدىڭ ءتيىستى مينيسترلىكتەرى مەن ۆەدومستۆولارى اراسىندا تىكەلەي بايلانىس ورناتۋعا بەلسەندى تۇردە جاردەمدەسۋگە قازاقستاندىق ديپلوماتيالىق وكىلدىكتىڭ ءازىر ەكەنىن جەتكىزدى.
