ا.ن.سىزعانوۆ اتىنداعى ۇلتتىق عىلىمي حيرۋرگيالىق ورتالىعىنىڭ باسقارما توراعاسى, مەديتسينا عىلىمىنىڭ دوكتورى, پروفەسسور, جوعارى ساناتتى حيرۋرگ بولاتبەك بايماحانوۆتىڭ 60 جاسقا تولۋىنا ارنالعان شارالار اياسىنداعى قابىلداۋدا تۇرعىندار ماماندارعا العىسىن جەتكىزدى. وسىدان كەيىن وبلىستىق دەنساۋلىق ساقتاۋ باسقارماسىنىڭ ۇيىمداستىرۋىمەن كوپبەيىندى وبلىستىق اۋرۋحاناسىندا «قازىرگى تاڭداعى حيرۋرگيا سالاسىنىڭ وزەكتى ماسەلەلەرى» تاقىرىبىنداعى عىلىمي-تاجىريبەلىك كونفەرەنتسيا ءوتتى.
كونفەرەنتسيادا مەرەيتوي يەسىن وبلىستىق ءماسليحات حاتشىسى ناۋرىزباي بايقاداموۆ, تۇركىستان وبلىستىق دەنساۋلىق ساقتاۋ باسقارماسىنىڭ باسشىسى مارات پاشيموۆ, دەنساۋلىق ساقتاۋ ءىسىنىڭ ۇزدىگى, سالا ارداگەرى تۇرعانباي ماحانوۆ قۇتتىقتاپ, قۇرمەت كورسەتتى. التىن قولدى دارىگەر جايلى «دارەمەت» كىتابىنىڭ تۇساۋى كەسىلدى.
ا.ن.سىزعانوۆ اتىنداعى ۇلتتىق عىلىمي ورتالىعىنىڭ ءبولىم مەڭگەرۋشىسى ماقسات دوسحانوۆ «گەپاتوپانكرەاتوبيليارلى حيرۋرگيانىڭ زاماناۋي دامۋ تەندەنتسيالارى», تۇركىستان وبلىستىق كلينيكالىق اۋرۋحاناسى №1 حيرۋرگيا ءبولىمىنىڭ مەڭگەرۋشىسى, مەديتسينا عىلىمدارىنىڭ كانديداتى جەڭىس سەرعازين «گاستروەزوفاگەالدى رەفليۋكس جانە ءموربيدتى سەمىزدىك كەزىندەگى سيمۋلتانتتى لاپاروسكوپيالىق ەمى» تاقىرىبىندا بايانداما جاسادى. ا.ياساۋي اتىنداعى حقتۋ حيرۋرگيا, انەستەزيولوگيا-رەانيماتسيا كافەدراسىنىڭ وقۋ ءبولىمىنىڭ مەڭگەرۋشىسى ىلحام انناورازوۆ ءوز تاجىريبەسى تۋرالى ايتتى.
بولاتبەك بايماحانوۆ 300-دەن استام عىلىمي ماقالا اۆتورى. ونەرتابىس بويىنشا 45 پاتەنت يەلەنگەن عالىمنىڭ جەتەكشىلىگىمەن ونداعان كانديداتتىق جانە دوكتورلىق ديسسەرتاتسيالار قورعالعان. ونىڭ باستاماسىمەن قىزىلوردا وبلىسىنىڭ حيرۋرگيا سالاسىنا جۇرەككە ءتۇرلى دارەجەدەگى وتالار جاسايتىن جاڭا تەحنولوگيا ەنگىزىلدى.
قىزىلوردا وبلىسى
