2022 جىلعى 5 قىركۇيەكتە قازاق اعارتۋشىسى, قوعام قايراتكەرى, عالىم, لينگۆيست جانە تۇركىتانۋشى احمەت بايتۇرسىن ۇلىنىڭ تۋعانىنا 150 جىل تولدى.
مونەتانىڭ بەت جاعىنداعى ورتالىق بولىگىندە قازاقستان رەسپۋبليكاسىنىڭ مەملەكەتتىك ەلتاڭباسى بەينەلەنگەن. ەلتاڭبانىڭ سول جانە وڭ جاعىندا ۇلتتىق ويۋ-ورنەك ەلەمەنتتەرى ورنالاسقان. ال جيەگىندە QAZAQSTAN ULTTYQ BANKI • NATIONAL BANK OF KAZAKHSTAN دەگەن جازۋ بار.
مونەتانىڭ تومەنگى بولىگىندە نومينالىن بىلدىرەتىن جازۋ بار: كۇمىستەن جاسالعان مونەتادا – 500 TEŃGE, مەلحيور قوسپاسىنان جاسالعان مونەتادا – 100 TEŃGE. سول جاعىندا مونەتا جاسالعان مەتالدى جانە ونىڭ سىناماسىن بىلدىرەتىن Ag 925 دەگەن جازۋ, وڭ جاعىندا ماسسانى بىلدىرەتىن 24 g جازۋى ورنالاسقان.
مونەتانىڭ سىرتقى جاعىندا احمەت بايتۇرسىن ۇلىنىڭ پلاكاتتىق گرافيكا ستيلىندە ورىندالعان پورترەتتىك بەينەسى ورنالاسقان. پورترەتتىڭ وڭ جاعىندا كىتاپتىڭ ستيلدەندىرىلگەن كەسكىن جاقتاۋىندا 150 JYL جانە Ahmet Baıtursynuly جازۋلارى قاشالعان. جوعارعى بولىگىندە قۇب لوگوتيپى مەن سوعىلعان جىلى بەينەلەنگەن. تومەنگى بولىگىندە – قىلقالام بەينەسى, احمەت بايتۇرسىنوۆتىڭ ءومىر سۇرگەن جىلدارى – 1872 جانە 1937 جج., تومەنگى بولىگىندە قىلقالام بەينەسىنىڭ استىندا Bilim álemdi qutqarady جازۋى ورنالاسقان.
كۇمىس مونەتانىڭ ماسساسى – 24 گرامم, ديامەترى – 37 مم, دايىنداۋ ساپاسى – «proof», نومينالى – 500 تەڭگەلىك, دايىنداۋ تارالىمى – 2 000 دانا.
من 25 مەلحيور قوسپاسىنان جاسالعان مونەتانىڭ ماسساسى – 15 گرامم, ديامەترى – 33 مم, دايىنداۋ ساپاسى – «brilliant uncirculated», نومينالى – 100 تەڭگەلىك, تارالىمى – 20 000 دانا.
2022 جىلعى 5 تامىزدا كەڭەس وداعىنىڭ ۇشقىش-شابۋىلشىسى, اۆياتسيا گەنەرال-مايورى تالعات بيگەلدينوۆتىڭ تۋعانىنا 100 جىل تولدى.
مونەتانىڭ بەت جاعىنداعى ورتالىق بولىگىندە قازاقستان رەسپۋبليكاسىنىڭ مەملەكەتتىك ەلتاڭباسى بەينەلەنگەن. ەلتاڭبانىڭ سول جانە وڭ جاعىندا ۇلتتىق ويۋ-ورنەك ەلەمەنتتەرى ورنالاسقان. ال تومەنگى جاعىندا مونەتانىڭ نومينالىن بىلدىرەتىن 100 TEŃGE, جيەگىندە QAZAQSTAN ULTTYQ BANKI • NATIONAL BANK OF KAZAKHSTAN دەگەن جازۋ بار.
مونەتانىڭ سىرت جاعىندا ۇلى وتان سوعىسىنىڭ اياقتالۋ ۋاقىتىنا بايلانىستى تالعات بيگەلدينوۆتىڭ پورترەتتىك بەينەسى ورنالاسقان. پورترەتتىڭ سول جاعىندا شابۋىلداۋشى ۇشاقتار مەن 100 JYL جازۋى بار. پورترەت بەينەسىنىڭ استىندا تالعات بيگەلدينوۆتىڭ تۋعان جىلى مەن مونەتانىڭ سوعىلعان جىلى جازىلىپ, TALǴAT BIGELDINOV جازۋى ورنالاستىرىلعان. بارلىق جازۋ جۇلدىزدارمەن بولىنگەن.
من 25 مەلحيور قوسپاسىنان تۇراتىن كوللەكتسيالىق مونەتالاردىڭ ماسساسى – 15 گرامم, ديامەترى – 33 مم, دايىنداۋ ساپاسى – «brilliant uncirculated», نومينالى – 100 تەڭگەلىك, تارالىمى – 15 000 دانا.
ايتا كەتسەك, كۇمىستەن جاسالعان مونەتالار مەملەكەتتىك تىلدە, ورىس جانە اعىلشىن تىلدەرىندە قۇب-تىڭ نومىرلىك ساپا سەرتيفيكاتى بار كادەسىي ورامىندا شىعارىلادى. مەلحيور قوسپاسىنان جاسالعان مونەتالار جەكە بليستەرلىك ورامدا شىعارىلادى.
كوللەكتسيالىق مونەتالار قازاقستان تەڭگە سارايىندا دايىندالدى.
