بۇل تۋرالى Bayraktar Makina كومپانيانىڭ باس ديرەكتورى حاليۋك بايراكتار مالىمدەدى. ول پولشاعا كەلتسەدەگى MSPO قورعانىس ونەركاسىبىنىڭ حالىقارالىق كورمەسىنە قاتىسۋ ماقساتىندا كەلگەن.
ح. بايراكتاردىڭ ايتۋىنشا, قازىردىڭ وزىندە ول باسقاراتىن كومپانيا ەۋروپانىڭ بىرقاتار ەلىمەن كەلىسسوزدەر جۇرگىزىلىپ جاتىر.
«ۋكرايناداعى سوعىس جاعدايىنا بايلانىستى Bayraktar TB2-گە دەگەن قىزىعۋشىلىق ارتتى. سونداي-اق باسقا شابۋىلداۋشى ۇشاقتارعا دا سۇرانىس ارتىپ كەلەدى. قازىر باتىس ەلدەرىمەن كەلىسسوزدەر جۇرگىزىلىپ جاتىر», دەدى ول.
كومپانيا باسشىسى Bayraktar TB2 جەتكىزىلىمىنە 24 ەلمەن, ال Bayraktar Akinci بويىنشا 4 ەلمەن كەلىسىم-شارتقا قول قويعانىن ەسكە سالدى.
تۇرىكتەر MSPO 2022 كورمەسىندە ROKETSAN كومپانياسى شىعارعان ميني-وق-دارىلەرمەن جابدىقتالعان Bayraktar TB2 ۇشاعىن تانىستىرادى.
پولشا پرەزيدەنتى اندجەي دۋدا دايىندىق جۇمىستارى اياقتالىپ جاتقان كورمە ايماعىنداعى Baykar ستەندىنە باردى. پولياك باسشىسىنا Bayraktar TB2 سيپاتتامالارى مەن مۇمكىندىكتەرى تۋرالى اقپارات بەرىلدى.
حاليۋك بايراكتار پولياك مەملەكەتىنىڭ باسشىسىنا Bayraktar Akıncı Attack ۇشقىشسىز ۇشاعىنىڭ ۇلگىسىن ۇسىندى.
ونىڭ ايتۋىنشا, 2021 جىلدىڭ مامىر ايىندا پولشا Bayraktar TB2 جۇيەسىنىڭ 4 داناسىنا تاپسىرىس بەرگەن.
«وسىعان بايلانىستى ءبىز ولاردى ءوندىرۋ جۇمىستارىن باستاپ كەتتىك. پولشا ءۇشىن ازىرلەنەتىن Bayraktar TB2 -دە بىرقاتار وزگەرىس بار. سونىمەن قاتار ولارعا جاڭا تۇزەتۋلەر دە قاجەت. ماسەلەن, دەرەكتەردى بەرۋ جۇيەسىندە جانە رادار جۇكتەمەسىندە ايىرماشىلىقتار بار. سونىمەن بىرگە وسى كەلىسىمشارت اياسىندا پولشادا ۇشقىشسىز ۇشاققا جان-جاقتى قىزمەت كورسەتۋ ءۇشىن جاعدايلار جاسالادى. پولشا - وتە ۇلكەن نارىق. سوندىقتان بۇل تۇركيا ءۇشىن دە وتە ماڭىزدى سەرىكتەستىك», دەدى ول.
ۇشقىشسىز ۇشۋ اپپاراتتارى پولشاعا كەلەسى ايدا جەتكىزىلە باستايدى دەپ كۇتىلۋدە.
