«وبلىستىق, قالالىق جانە اۋداندىق شاقىرۋ كوميسسيالارى جەرگىلىكتى اتقارۋشى ورگاندار اكىمدەرى ورىنباسارلارىنىڭ باسشىلىعىمەن جۇمىسقا كىرىسىپ كەتتى. اسكەرگە شاقىرۋ ناۋقانى 31 جەلتوقسانعا دەيىن جالعاسادى. الداعى ءتورت اي ىشىندە قارۋلى كۇشتەردىڭ, باسقا دا اسكەرلەر مەن اسكەري قۇرالىمداردىڭ قاتارى 18-27 جاس ارالىعىنداعى 18 مىڭعا جۋىق جاڭا بۋىنمەن تولىقپاق. ونىڭ ىشىندە 8 مىڭعا جۋىق جاس قارۋلى كۇشتەردىڭ قاتارىنا قوسىلىپ, 6 مىڭنان استام بوزبالا ۇلتتىق ۇلانعا, 3 مىڭنان استام ادام ۇلتتىق قاۋىپسىزدىك كوميتەتىنىڭ شەكارا قىزمەتىنە, 300-دەي جاس توتەنشە جاعدايلار مينيسترلىگىنىڭ بولىمشەلەرىنە جانە 100-گە جۋىق ازامات مەملەكەتتىك كۇزەت قىزمەتىنە شاقىرىلادى», دەلىنگەن قورعانىس مينيسترلىگىنىڭ ءباسپاسوز قىزمەتىندە.
سونىمەن قاتار, اسكەرگە شاقىرۋ SMS-حابارلامالار نەمەسە ۇيىنە جانە جۇمىس ورىندارىنا دەربەس شاقىرتۋ قاعازدارىن جىبەرۋ ارقىلى جۇزەگە اسىرىلادى. بۇل شارالاردى جەرگىلىكتى اتقارۋشى ورگاندار ۇيىمداستىرىپ, ونىڭ ىسكە اسۋىن قامتاماسىز ەتەدى. وبلىس, قالا, اۋدان اكىمدەرىنىڭ ورىنباسارلارى اسكەرگە شاقىرۋ كوميسسيالارىن باسقارادى. 7 قىركۇيەكتەن باستاپ جاڭا قۇرامالار جيناۋ پۋنكتتەرىنەن اسكەري بولىمدەرگە جىبەرىلەدى.
