پرەمەر-مينيستر مەملەكەت باسشىسى قازىرگى جاعدايدا ەكونوميكانىڭ ساپالى دامۋىن قامتاماسىز ەتۋگە جانە حالىقتىڭ ءال-اۋقاتىن ارتتىرۋعا باعىتتالعان جۇيەلى جانە سالالىق شارالار كەشەنىن ايقىنداپ بەرگەنىن اتاپ ءوتتى.
«وسى ماڭىزدى قۇجاتتا بۇگىنگى تاڭدا ازاماتتارىمىزدى تولعاندىرىپ وتىرعان نەگىزگى ماسەلەلەردىڭ ءبارى قامتىلعان. جولداۋدا ايتىلعان مىندەتتەردى شەشۋ ەكونوميكانىڭ تۇراقتىلىعىن جانە ونىڭ باسەكەگە قابىلەتتىلىگىن ارتتىرۋعا نەگىز بولادى», — دەدى ۇكىمەت باسشىسى.
ۇلتتىق ەكونوميكا ءمينيسترى الىبەك قۋانتىروۆ ەكونوميكا مەن مەملەكەتتىك باسقارۋداعى رەفورمالاردى ىسكە اسىرۋ جونىندەگى نەگىزگى شارالار, پرەمەر-ءمينيستردىڭ ورىنباسارى – قارجى ۆيتسە-ءمينيسترى ەرجان بىرجانوۆ بيۋدجەت, سالىق ساياساتى جانە مەملەكەتتىك ساتىپ الۋ, يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆ كولىك, ونەركاسىپ جانە قۇرىلىس ماسەلەلەرى, اۋىل شارۋاشىلىعى ءمينيسترى ەربول قاراشوكەەۆ اگروونەركاسىپ كەشەنىن دامىتۋ ماسەلەلەرى تۋرالى باياندادى.
سونداي-اق ەكولوگيا, گەولوگيا جانە تابيعي رەسۋرستار ءمينيسترى سەرىكقالي برەكەشەۆ سۋمەن قامتاماسىز ەتۋ جانە جەر قويناۋىن پايدالانۋ سالالارىن جاقسارتۋ جونىندەگى جوسپارلار, ادىلەت ءمينيسترى قانات مۋسين رەفورمالاردى زاڭنامالىق قامتاماسىز ەتۋ جونىندە, ىشكى ىستەر ءمينيسترى مارات احمەتجانوۆ قۇقىق قورعاۋ جۇيەسىن رەفورمالاۋ جانە ناشاقورلىققا قارسى كۇرەس ماسەلەلەرى, وقۋ-اعارتۋ ءمينيسترى اسحات ايماعامبەتوۆ مەكتەپكە دەيىنگى جانە ورتا ءبىلىم بەرۋ ماسەلەلەرى, عىلىم جانە جوعارى ءبىلىم ءمينيسترى ساياسات نۇربەك جوعارى ءبىلىم بەرۋدى دامىتۋ ماسەلەلەرى تۋرالى ايتتى.
سونىمەن قاتار دەنساۋلىق ساقتاۋ ءمينيسترى اجار عينيات دەنساۋلىق ساقتاۋ سالاسىن ودان ءارى دامىتۋ جونىندەگى شارالار تۋرالى, ال ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا الەۋمەتتىك ساياسات ماسەلەلەرى جونىندە باياندادى.
بايانداماشىلاردى تىڭداعان پرەمەر-مينيستر مەملەكەت باسشىسىنىڭ تاپسىرماسى بويىنشا مەملەكەت پەن قوعامنىڭ بارلىق نەگىزگى سالالارىن قايتا جاڭعىرتۋ كەرەك ەكەنىن ايتتى.
«مازمۇنى جاعىنان پرەزيدەنتتىڭ حالىققا جولداۋى جاڭا ادىلەتتى قازاقستان قۇرۋ جولىنداعى ەڭ ماڭىزدى قادام بولىپ تابىلادى. قازىرگى جاعدايدا ءبارىمىز ناقتى جانە ۇيلەسىمدى ارەكەت ەتۋىمىز قاجەت», دەدى ءاليحان سمايىلوۆ.
پرەمەر-مينيستر ۇكىمەتتىڭ الدىندا ەكونوميكانىڭ تۇراقتىلىعى مەن باسەكەگە قابىلەتتىلىگىن, ازاماتتارىمىزدىڭ ءال-اۋقاتىنىڭ ساپالى جانە ينكليۋزيۆتى ءوسۋىن ارتتىرۋ, بارىنە بىردەي مۇمكىندىكتەر بەرۋ, قوعامدىق قاۋىپسىزدىك پەن ىشكى تۇراقتىلىقتى ساقتاۋ مىندەتتەرى تۇرعانىن اتاپ ءوتتى.
وسىعان بايلانىستى ۇكىمەت باسشىسى ۇلتتىق ەكونوميكا مينيسترلىگىنە ورتا مەرزىمدى كەزەڭگە ارنالعان ەكونوميكالىق ساياسات جوباسىندا پرەزيدەنتتىڭ ەلدىڭ الەۋمەتتىك-ەكونوميكالىق دامۋى بويىنشا ايتقان باعىتتارىن ەسكەرۋدى تاپسىردى.
