مەملەكەت باسشىسىنا حالىقارالىق تۇركى اكادەمياسىنىڭ پرەزيدەنتى مونعوليانىڭ ارحانعاي ايماعى, نومعون جازىعىنداعى عىلىمي ارحەولوگيالىق ەكسپەديتسيا جۇمىستارىنىڭ ناتيجەسىندە تابىلعان قۇتلىق ەلتەرىس قاعانعا ارنالعان كەشەن مەن جازۋلار تۋرالى باياندادى.
دارحان قىدىرالىنىڭ ايتۋىنشا, بۇل جازۋ تاريحىمىزدى, ادامزات وركەنيەتىنە قوسقان ۇلەسىمىزدى 50 جىلعا ىلگەرىلەتەدى. سونداي-اق قۇتلىق قاعاننىڭ تۇسىندا سالىنعان سالتاناتتى كەشەننەن تاڭبالار, ءتۇرلى ارتەفاكتىلەر دە تابىلعان.
كەزدەسۋدە تۇركى اكادەمياسىنىڭ اتقارىپ جاتقان وزگە جۇمىستارىمەن قاتار شىعارعان وقۋلىقتارى تۋرالى دا ايتىلدى.
دارحان قىدىرالى مەملەكەت باسشىسىنا حالىقارالىق اكادەمياداعى جۇمىسىنىڭ اياقتالىپ جاتقانىن جەتكىزدى.
قازاقستان پرەزيدەنتى موڭعوليادا جۇرگىزگەن عىلىمي ارحەولوگيالىق ەكسپەديتسيانىڭ ناتيجەلەرىنە جانە تۇركى اكادەمياسىنىڭ جالپى جۇمىسىنا جوعارى باعا بەردى.
