بالقاش قالالىق پوليتسيا ءبولىمىنىڭ قىزمەتكەرلەرى «قۇقىقتىق ءتارتىپ» جەدەل-پروفيلاكتيكالىق ءىس-شاراسىن وتكىزدى. ونىڭ ماقساتى قوعامدىق قاۋىپسىزدىكتى ساقتاۋ, قۇقىق بۇزۋشىلىقتار مەن قىلمىستاردى انىقتاۋ جانە جولىن كەسۋ.
قۇقىق قورعاۋ قىزمەتكەرلەرى بالقاش كولىنىڭ جاعاسىنا قايىعىن ارقانداپ تۇرعان ادامعا نازار اۋداردى.
55 جاستاعى قالا تۇرعىنى ءۇشىن ءتارتىپ ساقشىلارىنىڭ بۇل جەرگە كەلۋى مۇلدە كۇتپەگەن جاعداي بولدى. پوليتسەيلەر قايىقتى تەكسەرۋ بارىسىندا 57 كەلى ءارتۇرلى سورتتى جاڭا پىسكەن بالىق پەن 400 مەتر اۋ تاپتى. كەلتىرىلگەن شىعىن كولەمى 340 مىڭ تەڭگەنى قۇرادى.
اتالعان فاكتى بويىنشا قر قىلمىستىق كودەكسىنىڭ 335-بابى «بالىق رەسۋرستارىن, باسقا دا سۋ جانۋارلارىن نەمەسە وسىمدىكتەرىن زاڭسىز ءوندىرۋ» بويىنشا قىلمىستىق ءىس قوزعالدى. قازىرگى تاڭدا تەرگەۋ امالدارى جۇرگىزىلۋدە.
