شابۋىل جاساۋشى ۇستالدى. ابىروي بولعاندا, كريستينا كيرشنەر زارداپ شەككەن جوق.
وقيعا بۋەنوس-ايرەس ايماعىنداعى ۆيتسە-پرەزيدەنت ءۇيىنىڭ جانىندا بولعان. كيرشنەر جاقتاستارىمەن سويلەسىپ جاتقاندا, كوپشىلىكتىڭ اراسىنان بەلگىسىز بىرەۋ وعان قاراي تاپانشاسىن كوزدەگەن. ول شۇرىپپەنى باسقانىمەن, مىلتىق جۇمىس ىستەمەي قالعان. وسى ساتتە ونى قاۋىپسىزدىك قىزمەتىنىڭ قىزمەتكەرلەرى ۇستاپ ۇلگەرگەن.
الدىن الا مالىمەت بويىنشا, ەر ادامنىڭ 35 جاستاعى برازيليا ازاماتى فەرناندو اندرەس ساباگ مونتيەل ەكەنى انىقتالدى. ول Bersa Thunder 380 وزدىگىنەن زاريادتالاتىن تاپانشامەن قارۋلانعان.
ايتا كەتەيىك, ارگەنتينادا كريستينا كيرشنەر سىبايلاس جەمقورلىققا قاتىسى بار دەپ ايىپتالعان. ول پرەزيدەنت قىزمەتىن اتقارعان 2007-2015 جىلدارى ينفراقۇرىلىمدىق جوبالاردى جۇزەگە اسىرۋ بويىنشا قىلمىستىق سحەمانىڭ ۇيىمداستىرۋشىسى دەگەن كۇدىككە ىلىنگەن. ءىس بويىنشا تاعى 12 ايىپتالۋشى بار. تامىز ايىندا وتكەن سوت وتىرىسىندا پروكۋرور كريستينا كيرشنەردى 12 جىلعا باس بوستاندىعىنان ايىرۋدى جانە 1 ميلليارد دوللار ايىپپۇل تولەۋدى, سونداي-اق ءومىر بويى مەملەكەتتىك قىزمەتتە جۇمىس ىستەۋگە تىيىم سالۋدى سۇراعان.
