نەمىس اقپارات قۇرالدارىنىڭ حابارلاۋىنشا, بۇل تۋرالى مينيستر پراگادا وتكەن كەزدەسۋدە ايتقان.
بەربوك گەرمانيا بيلىگىنىڭ ۋكراينانى قولداۋىن جالعاستىراتىنىن جانە نەمىس سايلاۋشىلارىنىڭ بۇل ماسەلەدەگى تىلەكتەرىنىڭ ەسكەرىلمەيتىنىن اتاپ ءوتتى.
«ەگەر مەن ۋكراين حالقىنا «بىرگە بولامىن» دەپ ۋادە بەرسەم, مەن بۇل سوزىمدە تۇرامىن. گەرمانياداعى سايلاۋشىلاردىڭ نە ويلايتىنى ماڭىزدى ەمەس. مەن ۋادە ەتكەندەي, ۋكراينانى قولدايمىن», دەدى ول.
سونداي-اق ول گەرمانيادا ەلەكتر قۋاتىنىڭ قىمباتتاۋى اياسىنداعى نارازىلىق ۇكىمەتتى رەسەي فەدەراتسياسىنا قارسى سانكتسيالاردان باس تارتۋعا ماجبۇرلەمەيتىنىن ايتتى.
ەسكە سالايىق, 2022 جىلدىڭ 24 اقپانىندا رەسەي پرەزيدەنتى ۆلاديمير پۋتين تەلەديدار ارقىلى سويلەگەن سوزىندە ۋكراينانىڭ شىعىسىنداعى دونباسستا ارنايى اسكەري وپەراتسيا باستالعانىن حابارلاعان ەدى.
