جولداۋدا ايتىلعانداي مەن ءۇشىن تاياۋدا وتكىزىلەتىن كەزەكتەن تىس پرەزيدەنت سايلاۋى بولاتىنى كۇتپەگەن جاڭالىق بولدى. بۇل – ۇلكەن ءىس. بۇل سايلاۋدىڭ ءساتتى وتۋىنە تىلەكتەسپىن جانە ويداعىداي وتەتىنىنە سەنىمىم مول. جانە بۇل جاڭالىقتى مىندەتتى تۇردە جۋىق ارادا برازيليا ۇكىمەتىنە جەتكىزەمىن. برازيليا مەن قازاقستان اراسىنداعى ەكىجاقتى ىنتىماقتاستىقتىڭ العاشقى كۇندەرىنەن باستاپ تىعىز ءارى جاقسى قارىم-قاتىناس قالىپتاستى.
«قازىرگى گەوساياسي تۇراقسىزدىق جاعدايىندا كەزەكتەن تىس سايلاۋ وتكىزۋ دۇرىس پا؟» دەپ سۇراق قويىپ جاتىر باق وكىلدەرى. ءار مەملەكەت باسشىسى ءۇشىن ءوز ەلىندەگى جاعداي بەلگىلى, سوندىقتان ەگەر پرەزيدەنت مۇنى دۇرىس دەپ شەشسە, قولداۋ قاجەت. مەن دۇرىس دەپ ايتار ەدىم. بۇل ماڭىزدى وقيعانىڭ ناتيجەسىن بارلىعىمىز بىرگە كورەمىز دەپ سەنەمىن.
بۇگىندە قازاقستان حالقىنىڭ باسىم بولىگىن جاستار قۇرايدى. جالپى, جولداۋدا ايتىلعان بارلىق مالىمدەمە حالىققا سەنىم بەرەدى, ۇزاق ءومىر سۇرۋگە ۇمتىلدىرادى. قازاقستان مەن برازيليا اراسىنداعى بايلانىستى ايتار بولسام, بۇل باعىتتا ءبىزدىڭ ەلگە ءالى دە كوپتەگەن ءىس اتقارۋ قاجەت. ال قازاقستاننىڭ برازيليادا ءبىرشاما ينۆەستيتسياسى بار. بىزگە بىرلەسكەن بيزنەس سالاسىن دامىتۋ قاجەت. قازىرگى كەزدە قازاقستاندا برازيليانىڭ ەلشىلىگى مەن بىرقاتار كەڭسەسى ورنالاسقان, الايدا بىزگە برازيليالىق كومپانيالاردىڭ ۇلەسىن ارتتىرۋ ماڭىزدى.
رۋبەم كوررەا باربوزا,
برازيليا فەدەراتيۆتىك رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى
