جولداۋداعى باسىم باعىتتاردى ەو ودان ءارى قولداي تۇسەدى. ويتكەنى ماڭىزدى قۇجاتتا ايتىلعان, الداعى ۋاقىتتا ىسكە اساتىن ساياسي جانە الەۋمەتتىك-ەكونوميكالىق رەفورمالار ءبىر-ءبىرىن تولىقتىرىپ تۇر. ەۋرووداق پەن قازاقستان اراسىنداعى سۋ قورىن نىعايتۋ سەكىلدى ءىرى جوبالار ودان ءارى قولداۋ تابادى. سونىمەن قاتار ادام كاپيتالىنا باعىتتالعان ءىس-شارالاردىڭ ىسكە اسىرىلۋى توقتاتىلمايدى. ولار ادام قۇقىعىن قورعاۋ, دەنساۋلىق ساقتاۋ, ءبىلىم بەرۋ سالاسىنا تىكەلەي قاتىستى. ءبىز قازىر وسى سالالاردا كوپتەگەن ترەنينگ وتكىزۋگە دايىنبىز. تاجىريبە الماسۋدى جالعاستىرا بەرەمىز. جولداۋدا ايتىلعان بارلىق رەفورما وسى جۇمىستاردى اتقارۋعا وڭ ناتيجەسىن تيگىزەدى دەپ سەنەمىز.
قازىر قازاقستان مۇنايىنىڭ باسىم بولىگى الەم نارىعىنا تاسىمالدانىپ جاتىر. بۇل جەردە ەۋرووداقتىڭ قوسقان ۇلەسىن اتاپ وتپەۋگە بولمايدى. سونداي-اق ەۋرووداق ەلدەرى ءۇشىن قازاقستاننىڭ مۇنايى ماڭىزدى. بىراق قازىر ەو مۇنايعا تاۋەلدىلىكتى ازايتىپ, كۇن ەنەرگياسى سەكىلدى بالامالى شيكىزات كوزدەرىن ارتتىرۋدى العا قويىپ وتىر. وسى ينۆەستيتسيالىق باعىتتا دا ءبىز قازاقستانمەن تاجىريبە الماسۋعا دايىنبىز. الداعى ۋاقىتتا شيكىزات كوزدەرىنىڭ بالانسىن قۇرۋدا ىرگەلى ىستەر اتقارىلادى دەپ سەنەمىن.
كەستۋتيس يانكاۋسكاس,
ەۋروپالىق وداقتىڭ قازاقستانداعى توتەنشە جانە وكىلەتتى ەلشىسى
