الەۋمەتتىك جەلىلەرگە جۇرگىزىلگەن مونيتورينگ بارىسىندا جول قوزعالىسى ەرەجەلەرىنىڭ بىردەن بىرنەشە تالاپتارىن بۇزعان دەرەك انىقتالدى.
«23 جاستاعى ي.ەسىمدى ازامات ۇستالدى. ول قۇقىق بۇزۋشىلىق دەرەگىن بىردەن مويىنداپ, بەينەروليككە ءتۇسىرۋ قاجەتتىگىن ءتۇسىندىردى. بۇل ءۋاج قۇقىق بۇزۋشىنىڭ ارەكەتىن اقتامايدى. وعان قاتىستى قازاقستان رەسپۋبليكاسىنىڭ اكىمشىلىك زاڭناماسىنا سايكەس شارا قولدانىلدى: التى اكىمشىلىك حاتتاما تولتىرىلدى. كولىك مامانداندىرىلعان ايىپپۇل تۇراعىنا قويىلدى», دەدى الماتى قالالىق پد جەرگىلىكتى پوليتسيا قىزمەتى باسقارماسىنىڭ باستىعى ەرجان ۇزاباەۆ.
كەلەسى قۇقىق بۇزۋشىلىقتار بويىنشا اكىمشىلىك ءىس قوزعالدى:
قر اقبتك-ءنىڭ 230-بابى 2-بولىگى – قازاقستان رەسپۋبليكاسىنىڭ مىندەتتى ساقتاندىرۋ تۋرالى زاڭناماسىن بۇزۋ;
قر اقبتك-ءنىڭ 591-بابى 1-بولىگى – جۇرگىزۋشىنىڭ كولىك قۇرالىن باسقارۋ كەزىندە تەلەفون نەمەسە راديوستانتسيانى پايدالانۋى;
قر اقبتك-ءنىڭ 590-بابى 5-بولىگى – تەحنيكالىق رەگلامەنتتەردىڭ, ۇلتتىق ستاندارتتاردىڭ تالاپتارىنا سايكەس كەلمەيتىن, سونداي-اق اقاۋلار نەمەسە كولىك قۇرالدارىن پايدالانۋعا تىيىم سالىناتىن جاعدايلار بولعان كەزدە كولىك قۇرالدارىن جۇرگىزۋ;
قر اقبتك-ءنىڭ 590-بابى 3 بولىگى – كولىك قۇرالىنا جالعان نەمەسە قولدان جاسالعان مەملەكەتتىك تىركەۋ نومىرلىك بەلگىلەرىن ورناتۋ;
قر اقبتك-ءنىڭ 590-بابى 4-بولىگى – جالعان نەمەسە قولدان جاسالعان مەملەكەتتىك تىركەۋ نومىرلىك بەلگىلەرى (بەلگى) بار كولىك قۇرالىن باسقارۋ, سونداي-اق, مەملەكەتتىك تىركەۋ نومىرلىك بەلگىلەرىن (بەلگىسىن) سايكەستەندىرۋگە كەدەرگى كەلتىرەتىن نەمەسە ولاردى بەلگىلەۋگە مۇمكىندىك بەرەتىن قۇرىلعىلارمەن جانە ماتەريالدارمەن جابدىقتالعان مەملەكەتتىك تىركەۋ نومىرلەرى بار كولىك قۇرالىن جۇرگىزۋ;
قر اقبتك-ءنىڭ 603-بابى 3-بولىگى – جەدەل جانە ارنايى قىزمەتتەردىڭ كولىك قۇرالدارىنىڭ ارنايى ءتۇستى سحەمالارىن كولىك قۇرالىنىڭ سىرتقى بەتتەرىنە زاڭسىز قولدانۋ.
