«ساياسي رەفورمالار «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» فورمۋلاسىمەن جۇزەگە اسىرىلىپ جاتىر. بۇل تۇجىرىم – قوعامىمىزدىڭ مىزعىماس تۇعىرى. رەفورمالاردىڭ مازمۇنى جان-جاقتى تولىعا بەرمەك. جالپىۇلتتىق ىنتىماقتى جانە بيلىك پەن قوعامنىڭ سەرىكتەستىگىن نىعايتا بەرەمىز. «حالىق ۇنىنە قۇلاق اساتىن مەملەكەت» قاعيداسىن ۇستانۋ اسا ماڭىزدى. ءبىز قوعامعا ىرىتكى سالۋدى ەمەس, ەلدى ىزگى ماقساتقا جۇمىلدىرۋدى ويلاۋىمىز كەرەك. ادىلەتتى قازاقستان يدەياسىنىڭ تۇپكى ءمانى – وسى», دەدى پرەزيدەنت.
سونداي-اق ول قازاقستاندىقتاردىڭ الدىندا تۇرعان ايرىقشا مىندەتتى اتادى.
ء«بىزدىڭ الدىمىزدا ايرىقشا مىندەت تۇر. بۇل – ەلىمىزدىڭ ەگەمەندىگىن جانە جەرىمىزدىڭ تۇتاستىعىن ساقتاپ قالۋ. ەلدىگىمىزدى قورعاۋدىڭ ەڭ باستى جولى – بەرەكەلى بىرلىك. بۇدان باسقا جول جوق», دەدى مەملەكەت باسشىسى.
