قايعىلى وقيعا توتەنشە جاعدايلار مينيسترلىگىنىڭ 52 859 اسكەري بولىمىندە بولعان.
«سارباز ساپتا كەتىپ بارا جاتىپ اياق استىنان قۇلاعان, ودان كەيىن جۇرەگى كەنەتتەن توقتاعان. مەديتسينالىق بەكەت دارىگەرلەرى وعان دەرەۋ كومەك كورسەتتى, جەدەل جاردەم قىزمەتىن شاقىردى. الايدا ونى قۇتقارا المادى. قايتىس بولعان سارباز 24 جاستا بولاتىن», دەپ جازىلعان حابارلامادا.
بولجام بويىنشا, سارباز ولىمىنە پانكرەونەكروز سەبەپ بولۋى مۇمكىن.
«اسكەري قىزمەتشىنىڭ اتى – ەلسۇلتان. ول دەنساۋلىعىنا شاعىمدانعان ەمەس. جىل سايىن مەديتسينالىق تەكسەرۋدەن ءوتىپ تۇردى. بۇل – مىندەتتى نارسە. بيىل 30 تامىز – 1 قىركۇيەك ارالىعىندا مەديتسينالىق تەكسەرۋدەن ءوتۋى ءتيىس بولاتىن. سول كۇنى ونىڭ كوڭىل كۇيى جاقسى بولدى, پراكتيكالىق ساباقتارعا قاتىستى. ءوز ءىسىنىڭ كاسىپقوي مامانى ەدى, قىزمەتتە جوعارىلاتۋ جوسپارى بار بولاتىن», دەدى اسكەري ءبولىمنىڭ كومانديرى جانات وماروۆ.
قازىر وسى ءىس بويىنشا سوت-مەديتسينالىق ساراپتاما تاعايىندالدى.
