قالالىق تجد ءباسپاسوز وكىلدەرىنىڭ مالىمەتىنشە, ءورت جارتى ساعات ىشىندە سوندىرىلگەن.
«قالالىق تجد مالىمەتىنشە, 28 تامىزدا ساعات 02: 09-دا جەتىسۋ اۋدانى, رايىمبەك داڭعىلى, «ساۋداكەنت» بازارىنا جوعارى دارەجەلى ءورت سوندىرۋشىلەر جىبەرىلگەن. العاشقى بولىمشەلەر 6 مينۋتتان كەيىن وقيعا ورنىنا كەلدى. بۇل ۋاقىتتا بازار اۋماعىندا 260 شارشى مەتر اۋماقتا ءبىر قاباتتى ءدامحانا ورتەنىپ جاتىر. ءورتتىڭ كورشىلەس عيماراتتارعا تارالۋ قاۋپى پايدا بولدى», دەدى تجد وكىلدەرى.
ءورت 2.39-دا وقشاۋلانىپ, 2.44-تە جويىلدى. تجد قىزمەتكەرلەرى جەدەل ارەكەت ەتىپ, جاقىن ماڭداعى اكىمشىلىك عيماراتقا جالىننىڭ تارالۋىنا جول بەرمەدى.
ءورتتىڭ شىعۋ سەبەبى انىقتالىپ جاتىر. قازا بولعاندار مەن زارداپ شەككەندەر جوق. وقيعا ورنىنا 16 بىرلىك تەحنيكا جانە جەكە قۇرامنان 47 ادام شىقتى.
