21 تامىز كۇنى ساعات 22.00 شاماسىندا قاراعاندى قالالىق پوليتسيا باسقارماسىنا قاراستى كيروۆ پوليتسيا بولىمىنە اۋدانداعى ساۋدا ۇيلەرىنىڭ ءبىرىنىڭ كولىك تۇراعىندا اۋىر دەنە جاراقاتتارى بار جول-كولىك وقيعاسى بولعانى تۋرالى حابارلاما ءتۇستى. وقيعا ورىنىنا بىردەن جەدەل-تەرگەۋ توبى جىبەرىلدى.
بەلگىلى بولعانداي, كولىك جۇرگىزۋشىسى 30 جاستاعى ازاماتتى قاعىپ كەتكەن. سالدارىنان جابىرلەنۋشى ءارتۇرلى دەنە جاراقاتتارىمەن اۋرۋحاناعا جاتقىزىلدى.
پوليتسيا قىزمەتكەرلەرى وقيعا بولعان جەردە ورناتىلعان بەينەباقىلاۋ كامەرالارىنىڭ جازبالارىن زەردەلەي كەلە, جابىرلەنۋشىنى بۇل قاساقانا جاسالعان دەگەن شەشىمگە كەلدى. بەينەجازبادان جۇرگىزۋشىنىڭ ساۋدا ورىنىنان شىعىپ كولىككە وتىرعانى كورىنەدى. كەيىن كولىككە جابىرلەنۋشى جاقىنداعان. سول ساتتە جۇرگىزۋشى ورنىنان قوزعالىپ, ازاماتتى قاعىپ كەتكەن. وسىدان كەيىن جۇرگىزۋشى جابىرلەنۋشىگە العاشقى كومەك كورسەتۋدىڭ ورنىنا وقيعا بولعان جەردەن ءىزىن سۋىتقان.
كريمينالدىق پوليتسيا قىزمەتكەرلەرى جۇرگىزگەن كەشىندى ءىس-شارالار بارىسىندا جول-كولىك وقيعاسىن جاسادى دەگەن كۇدىكپەن 23 جاستاعى قالا تۇرعىنى انىقتالىپ, ۇستالدى. كۇدىكتى جابىرلەنىشىنى تانىمايتىندىعىن, كولىككە وتىرعاندا جابىرلەنۋشى ودان تەمەكى سۇرعانىن جانە وعان جوق دەپ جاۋاپ بەرگەنىن, سونداي-اق كولىك جۇرگىزۋشىنىڭ ايەلى دە جابىرلەنۋشىگە ەسكەرتۋ جاساعانىن ايتتى. الايدا سوڭعىسى كولىك قوزعالىپ بارا جاتقاندا كولىككە جاقىنداپ, سول كەزدە ونى قاعىپ, باسىپ كەتكەنى بەلگىلى بولدى.
اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 24-99-بابىنا (ادام ولتىرۋە وقتالۋ) سايكەس قىلمىستىق ءىس قوزعالدى. كۇدىكتى ۋاقىتشا ۇستاۋ يزولياتورىنا قامالدى. تەرگەۋ امالدارى جۇرگىزىلۋدە.
