«قتج-جۇك تاسىمالى» جشس باس ديرەكتورى ۆلاديمير پەتروۆتىڭ توراعالىعىمەن استىق تاسىمالداۋ ماسەلەلەرى بويىنشا ZOOM-كەڭەسكە كولىك جانە ەكسپەديتورلىق كومپانيالار مەن ترەيدەرلەردىڭ 120 وكىلى قاتىستى.
2022 جىلدىڭ جەتى ايىندا 5,1 ملن توننا استىق تيەلىپ, ونىڭ 4 ملن تونناسى ەكسپورتتالدى. ۇن تيەۋ 2021 جىلعا قاراي 21%-عا, ياعني 1,6 ملن تونناعا دەيىن ءوستى. ەكسپورت 38%-عا ارتتى. قازاقستان استىعىن تەمىر جول كولىگىمەن ەكسپورتتاۋعا بارلىق باعىت اشىق. تاسىمالداۋ پروتسەسىن وڭتايلاندىرۋ ءۇشىن استىق پەن ۇنتاقتالعان ونىمدەردى مارشرۋتتىق پويىزدارمەن جونەلتۋ ۇسىنىلادى. بۇل جۇكتەردى جەتكىزۋ مەرزىمىن قىسقارتۋعا جانە ۆاگوندار اينالىمىن جەدەلدەتۋگە مۇمكىندىك بەرەدى.
كەڭەس بارىسىندا جۇك جونەلتۋشىلەر تاسىمالداۋدى ۇيىمداستىرۋ بويىنشا ءوز ۇسىنىستارى مەن سۇراقتارىن العا تارتتى. استىق تاسىمالداۋ ءۇشىن جىلجىمالى قۇرام تاپشىلىعى تاۋەكەلىنىڭ بارى ايتىلدى. بۇل ۆاگونداردىڭ قازاقستاندىق جەكەمەنشىك يەلەرى باعامدىق ايىرماشىلىققا بايلانىستى ۆاگونداردى جالعا بەرۋ تيىمدىرەك بولعاندىقتان جىلجىمالى قۇرامدى باسقا تەمىر جول اكىمشىلىكتەرىنە باعىتتايتىنىمەن بايلانىستى.
