زەرتتەۋلەر مەن جارتىلاي ونەركاسىپتىك سىناقتار «سولتۇستىك قاتپار» جشس-نىڭ تاپسىرىسى بويىنشا ۆولفرام كەندەرىن قايتا وڭدەۋگە ماماندانعان قحر-دىڭ جەتەكشى زەرتتەۋ ورتالىقتارىنىڭ بازاسىندا وتكىزىلدى. الىنعان مالىمەتتەر نەگىزىندە بايىتۋ فابريكاسى مەن گيدرومەتاللۋرگيالىق زاۋىتتى جوبالاۋ ءۇشىن تەحنولوگيالىق رەگلامەنتتەر ازىرلەندى.
«فلوتوكونتسەنترات ۇلگىسىندە كۇشالانىڭ بولماۋى جانە جالپى قۇرامىندا بوگدە قوسپالاردىڭ از بولۋى ەرەكشە ماڭىزدى. فلوتوكونتسەنتراتتان الىنعان امموني پاراۆولفراماتىنىڭ ۇلگىسى بارلىق نورماتيۆتىك تالاپتارعا سايكەس كەلەدى. سوڭعى ونىمگە ۆولفرامدى الۋدىڭ جوعارى دەڭگەيىنە قول جەتكىزىلدى», دەدى «سولتۇستىك قاتپار» جشس باس تەحنولوگى عاني قۇلمۇحامەدوۆ.
جوعارعى قايراقتى كەن ورنى قازاقستان ءۇشىن ستراتەگيالىق تۇرعىدا ماڭىزدى. مۇندا Measured+Indicated+Inferred ساناتىنداعى JORC ستاندارتتارى بويىنشا رەسۋرستار كولەمى 712 مىڭ توننا ۆولفرام ۇشتوتىعىن قۇرايدى. الايدا مينەرالدى قۇرامنىڭ ەرەكشەلىكتەرىنە بايلانىستى بۇرىن جاسالعان تەحنولوگيالار ەكستراكتسيانىڭ جوعارى دەڭگەيىنە سەنۋگە مۇمكىندىك بەرمەدى.
ايتا كەتەلىك, جوعارعى قايراقتى ۆولفرام كەن ورنى قاراعاندى وبلىسىنىڭ شەت اۋدانىندا, قاراعاندىدان وڭتۇستىككە قاراي 130 شاقىرىم جەردە ورنالاسقان. كەن ورنىن يگەرۋ جوباسىنىڭ وپەراتورى «سولتۇستىك قاتپار» جشس – «Taý-Ken Samuryq» UTK» اق-نىڭ 100% ەنشىلەس كاسىپورنى. جوبانىڭ تەن-ءىن ازىرلەۋ بويىنشا جۇمىستار جۇرگىزىلۋدە.
