ىرىكتەۋ سايىستارىندا ءسۇرىندى

ەرلەر اراسىنداعى ەلىمىزدىڭ ەكىنشى راكەتكاسى ميحايل كۋكۋش­كين شيرەك فينالدا ار­گەنتينالىق نيكولاس كيكەردى 6:3, 6:7, 4:0 ەسەبىمەن ۇتتى. ءۇشىن­شى سەتتە قارسىلاسى كەز­دەسۋدى جالعاستىرۋدان باس تارت­تى. جارتىلاي فينالدا ول يسپانيالىق فەرناندو ۆەر­داسكومەن كۇش سىناستى. 38 جاس­تاعى پيرەنەي تۇبەگىنىڭ وكىلى اۋستراليانىڭ اشىق بىرىن­شىلىگىندە ۇزدىك تورتتىككە ەنىپ, اتر تۋرنيرلەرىن جەتى رەت ۇتقان. US open مەن رولان گارروستىڭ شيرەك فينالىندا ويناپ, الەمنىڭ جەتىنشى راكەتكاسى اتانعان. بىراق ۆەرداسكودا قازىر ونداي قارقىن جوق. بۇل كۇندەرى ول اتر رەيتينگىندە نەبارى 122-ورىندى قاناعات تۇ­تۋدا. بىراق فەرناندونىڭ «سىرى كەتسە دە, سىنى كەتپەگەن» ەكەن. بۇل باسەكە 7:6, 6:3 ەسەبىمەن يسپانيالىق تەننيسشىنىڭ پايداسىنا شەشىلدى.

تۇساۋكەسەر كەزدەسۋىندە يتا­ليالىق اندرەا پەللە­گري­نودان 4:6, 7:5, 6:2 ەسەبىمەن باسىم تۇسكەن دميتري پوپكو ەكىنشى كەزەڭدە نوربەرت گوم­بوشپەن شەبەرلىك بايقاستى. سلوۆاكيانىڭ وكىلى ۇزدىكتەر تىزىمىندە 114-ورىندى يەلەنۋدە. ەكى ويىنشى 2 ساعات 16 مينۋت بويى ايقاستى. ناتيجەسىندە, 6:4, 4:6, 6:2 ەسەبىمەن گامبوش كەلەسى اينالىمعا ءوتتى.

اقش-تىڭ اشىق بىرىن­شىلى­گىنىڭ نەگىزگى باسەكەلەرى 29 تا­مىزدا باستالادى. ەرلەر ارا­سىنداعى ەلىمىزدىڭ ءبىرىنشى راكەتكاسى الەكساندر بۋبليك اتر رەيتينگىندە 71-ورىندا تۇرعان فرانتسيالىق يۋگو گاس­تونمەن كۇش سىناسادى. ايەل­دەر اراسىنداعى ۇزدىگىمىز, ۋيمبلدون-2022 ءتۋر­نيرىنىڭ جە­ڭىمپازى ەلەنا رى­باكينانىڭ قارسىلاسى ءالى انىق­تالعان جوق. وتانداسىمىز ىرىكتەۋ سىنىندا جەڭىمپاز اتانعان تەن­نيس­شىمەن كەزدەسەدى. ال ونىڭ كىم بو­لاتىنى ازىرگە بەلگىسىز. يۋليا پۋ­تينتسەۆا الەمنىڭ 24-راكەت­كا­سى, امەريكالىق اماندا اني­سي­مو­ۆامەن وينايدى.