ارمەنيانىڭ ديليجان پوليگونىندا قازاقستاندىق كوماندا قۇرامى – اعا سەرجانتتار دارحان اسلان, بەكتورە نازاشوۆ, تۇرار تىلەگەنوۆ جانە قاتارداعى جاۋىنگەر نازيرا ءالبوسىنوۆا ارمەنيا, بەلارۋس جانە رەسەيدەن كەلگەن قارسىلاستارىن باسىپ وزىپ, جارىستىڭ التىن جۇلدەسىن جەڭىپ الدى.
سايىستىڭ ناتيجەسى «راتنيك» قورىتىندى كەزەڭىندە شەشىلدى. قازاقستاندىق اسكەري قىزمەتشىلەر ەرلەر اراسىنداعى اسكەري-قولدانبالى پاندەر جارىسىندا جەڭىسكە جەتتى. قاتارداعى جاۋىنگەر نازيرا ءالبوسىنوۆا اسكەري-مەديتسينالىق جارىستا ۇزدىك ناتيجە كورسەتىپ, اتىس دايارلىعىنىڭ جاتتىعۋلارىن ءساتتى ورىنداپ شىقتى. بۇل كەزەڭدەگى جەڭىس قازاقستاندىق كومانداعا بايقاۋ تۇعىرىنىڭ جوعارى ساتىسىنا كوتەرىلۋگە مۇمكىندىك بەردى. جالپىكوماندالىق ەسەپتە ەكىنشى ورىندى رەسەي اسكەري قىزمەتشىلەرى ەنشىلەپ, بەلارۋس ەلىنىڭ وكىلدەرى ۇزدىك ۇشتىككە ەندى.
ال ازەربايجان رەسپۋبليكاسىنداعى اسكەري تەڭىزشىلەردىڭ «تەڭىز كۋبوگى» سايىسىندا قازاقستاندىق كوماندا كۇمىسپەن كۇپتەلدى. ءبىرىنشى ورىندى ازەربايجان مەن رەسەيدىڭ اسكەري قىزمەتشىلەرى ءوزارا ءبولىستى. قاي حالىقارالىق جارىستى الىپ قاراساق تا, ماماندار قازاقستاندىق ساربازداردىڭ الەۋەتىن جوعارى باعالاۋدا. العا, قازاقستان اسكەرى!
