مۇناي سالاسى اتىراۋ وبلىسى ءۇشىن ۇلكەن مانگە يە. سوندىقتان ماجىلىسمەندەر پارلامەنتتە اتقارىلعان جۇمىستار تۋرالى, مۇناي سالاسىنا قاتىستى جالپى جۇمىستاردىڭ باعىتىمەن تانىستى.
ءماجىلىستىڭ ءباسپاسوز قىزمەتىنىڭ حابارلاۋىنشا, جيىندا اتىراۋ وبلىسى ءۇشىن ماڭىزدى تاقىرىپتىڭ بىرىنە اينالعان اتىراۋ-استراحان تاس جولىنداعى كۇردەلى جوندەۋ جۇمىستارى تۋرالى ماسەلەلەر كوتەرىلدى. وڭىردەگى يندەر-قاراباۋ تاس جولىنىڭ دا تۇرعىندار ءۇشىن ماڭىزى زور.
«بۇل جولدارداعى جوندەۋ جۇمىستارى جوسپار بويىنشا بىرنەشە جىلعا سوزىلادى. ول بار بولعانى 80 شاقىرىم. بيىل قارجى ءبولىپ, قالعانىن كەلەسى جىلعا قالدىرىپ, ۋاقىت سوزىپ جۇرگەندە جاسالعان جول توزىپ كەتۋى مۇمكىن», دەدى س.ناقپاەۆ. سوندىقتان دەپۋتات الەۋمەتتىك ماڭىزى بار ماسەلەلەردىڭ ورىندالۋ بارىسى ۇلكەن مانگە يە ەكەنىنە توقتالدى. وتىرىستا ەكولوگيالىق احۋال ماسەلەسى دە تالقىلاندى.
ال ءماجىلىس دەپۋتاتى ءنازيلا راززاق جامبىل وبلىسىنىڭ سارىكەمەر اۋىلىنداعى اۋىز سۋ قۇبىرىنىڭ قۇرىلىسىمەن تانىسىپ, قۇبىر جەلىلەرىن جانە سۋ قابىلداۋ عيماراتتارىنىڭ قۇرىلىسىن جۇرگىزگەن «ينتەللەكت ازيا» ۇجىم وكىلدەرىمەن كەزدەستى.
ايتا كەتۋ كەرەك, سۋ قۇبىرى Amanat پارتياسىنىڭ 2021-2025 جىلدارعا ارنالعان سايلاۋالدى باعدارلامانى ىسكە اسىرۋ جونىندەگى جول كارتاسى اياسىندا پايدالانۋعا بەرىلىپ وتىر. «مەملەكەت باسشىسى قوعامدى تولعاندىرعان الەۋمەتتىك-ەكونوميكالىق پروبلەمالاردى شەشۋ جونىندەگى بىرقاتار مىندەتتى اتاپ وتكەن بولاتىن. ونىڭ ىشىندە باعانىڭ ءوسۋى, تاۋارلاردىڭ جەكەلەگەن تۇرلەرىن جەتكىزۋدەگى بوگەلىستەر, ازىق-ت ۇلىك قاۋىپسىزدىگى, حالىق تابىسىنىڭ تومەندەۋى, سونداي-اق ەلدى مەكەندەردى تازا اۋىز سۋمەن قامتاماسىز ەتۋ سىندى ماسەلەلەر بار», دەدى ءماجىلىس دەپۋتاتى.
«اۋدان ورتالىعى سانالاتىن سارىكەمەر اۋىلىنىڭ وزىندە قازىرگى كەزدە 30 مىڭنان استام حالىق تۇرادى. وتكەن جىلدىڭ جەلتوقسان ايىندا ءۇش جىل مەرزىمگە سوزىلعان سۋ قابىلداۋ نىسانى جانە سۋ قۇبىرى جەلىلەرىنىڭ قۇرىلىسى اياقتالىپ, سارىكەمەر اۋىلدىق وكرۋگى تۇرعىندارىنىڭ يگىلىگىنە ۇسىنىلدى. بىراق اۋىز سۋ ماسەلەسى وسىمەن شەشىلدى جانە دە ءوز دارەجەسىندە دەي المايمىز», دەيدى اۋىل تۇرعىندارى.
ءوز كەزەگىندە دەپۋتات اتالعان ماسەلەلەر جەرگىلىكتى اتقارۋشى, قاداعالاۋشى مەملەكەتتىك ورگاندار مەن دەپۋتاتتار تاراپىنان دا ەرەكشە نازارىندا بولاتىنىن ايتتى.
