جوعارىدا كورسەتىلگەن تولەمگە ءوتىنىش بەرۋ بويىنشا قىزمەت كورسەتۋدىڭ ەلەكتروندى فورماتى ەڭبەك جانە حالىقتى الەۋمەتتىك قورعاۋ مينيسترلىگىنىڭ, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ جانە «ۇلتتىق اقپاراتتىق تەحنولوگيالار» اق-نىڭ بىرلەسكەن جۇمىسى شەڭبەرىندە ىسكە اسىرىلدى. بۇرىن وتىنىشتەر حقو ارقىلى قاعاز تۇرىندە قابىلدانعان بولاتىن.
eGov.kz پورتالى ارقىلى ءوتىنىش بەرۋ ءۇشىن باستى بەتتە «الەۋمەتتىك قامسىزداندىرۋ» ءبولىمىن اشىپ, «وتباسىلارعا كومەك» تارماعىن تاڭداپ, ءتيىستى قىزمەتتى تابۋ كەرەك.
وسىدان كەيىن پايدالانۋشى پورتالدا اۆتوريزاتسيالانۋى, ونلاين قىزمەتكە تاپسىرىس بەرۋى, بارلىق مىندەتتى قاتارلاردى تولتىرۋى, تالاپ ەتىلەتىن فايلداردى تىركەۋى جانە ۇسىنىلعان نۇسقالاردىڭ بىرىمەن وتىنىمگە قول قويۋى قاجەت.
ءوتىنىمدى eGov.kz پورتالىندا قاراۋ مەرزىمى 8 جۇمىس كۇنىن قۇرايدى. سوماسى كورسەتىلگەن تولەم تاعايىنداۋ تۋرالى حابارلاما نەمەسە باس تارتۋ تۋرالى دالەلدى جاۋاپ پايدالانۋشىنىڭ جەكە كابينەتىنە جىبەرىلەدى.
ەلەكتروندى قۇجات نەمەسە سۇراۋ سالۋ ناتيجەسى تۋرالى حابارلاما ودان ءارى جەكە كابينەتتە, «قىزمەتتەردى الۋ تاريحى» بولىمىندە قولجەتىمدى بولادى.
اتالعان قىزمەتتى eGov.kz پورتالى ارقىلى الۋ ءۇشىن جۇمىس بەرۋشىنىڭ كادر قىزمەتى تولتىراتىن ەڭبەك شارتتارىن ەسەپكە الۋدىڭ بىرىڭعاي جۇيەسىنەن (بۇدان ءارى – E-HR) ەلەكتروندى مالىمەتتەر قاجەت ەكەنى ايتا كەتۋ كەرەك. سوندىقتان الەۋەتتى كورسەتىلەتىن قىزمەتتى الۋشى جۇكتىلىككە جانە بالا (بالالاردى) تۋعا, جاڭا تۋعان بالانى (بالالاردى) اسىراپ الۋعا بايلانىستى دەمالىسقا شىعۋ تۋرالى ءتيىستى دەرەكتەردىڭ E-HR-گە ەنگىزىلگەنىن ناقتىلاۋى قاجەت
