قۇربان 1952 جىلدىڭ 25 تامىزىندا تۇرىكمەنستاننىڭ استاناسى – اشعابادتا دۇنيەگە كەلدى. سپورتتىق كارەراسىن جەرگىلىكتى «كولحوزشى» (قازىرگى «كوپەتداگ») كلۋبىندا باستاعان ول 1977, 1981-1985, 1993 جىلدارى «قايراتتىڭ» ساپىندا وينادى. سول ارالىقتا 160 رەت جاسىل الاڭعا شىعىپ, 34 رەت نىسانانى ءدال كوزدەدى. كەيىننەن باپكەرلىكتىڭ قامىتىن كيدى. قازاقستان, تۇركيا جانە تۇرىكمەنستاننىڭ بىرقاتار كلۋبىن جاتتىقتىردى. بەردىەۆ قازاننىڭ «رۋبينىندە» ءوزىن مىقتى باپكەر رەتىندە تۇبەگەيلى مويىنداتتى. 2001-2013 جىلدار ارالىعىندا تاتارستاندىق كوماندا ەكى مارتە رەسەي چەمپيونى مەن ەل كۋبوگىنىڭ يەگەرى اتانىپ, ءبىر رەت سۋپەركۋبوكتى ولجالادى. تاعى بىرنەشە رەت جۇلدەگەرلەر قاتارىنان كورىندى. رەسەيدىڭ ەڭ ۇزدىك باپكەرى دەپ تانىلدى. ەۋروكۋبوك جولىنداعى جارىستاردا «رۋبين» ءساتتى ونەر كورسەتتى. سول ەڭبەكتەرى ءۇشىن بەردىەۆ رەسەي مەن تاتارستاننىڭ مەملەكەتتىك ناگرادالارىمەن ماراپاتتالدى.
قازىرگى كەزدە قۇربان بەردىەۆ يراندا ەڭبەك ەتىپ ءجۇر. ول تەبريز قالاسىنداعى «تراكتور» كلۋبىن جاتتىقتىرادى.
