23 تامىز كۇنى ساعات 16:00 شاماسىندا سامارا – شىمكەنت تاسجولىنىڭ قارماقشى اۋدانى, تورەباي بي اۋىلىنىڭ تۇسىندا Volkswagen Transporter اۆتوكولىگىمەن قارسى باعىتتا كەلە جاتقان Audi اۆتوكولىگى سوقتىعىسقان. جول اپاتى سالدارىنان Audi اۆتوكولىگىنىڭ ەكى جولاۋشىسى وقيعا ورنىندا كوز جۇمىپ, ەكى جولاۋشى اۋرۋحاناعا جەتكىزىلگەن.
اتالعان فاكتى قازاقستان رەسپۋبليكاسى قك-ءدىڭ 345-بابىنىڭ 4-بولىگىمەن سدتتبت-عا تىركەلىپ, سوتقا دەيىنگى تەرگەپ-تەكسەرۋ ارەكەتتەرى جۇرگىزىلۋدە. ءتيىستى سوت ساراپتامالارى تاعايىندالدى. وقيعانىڭ ءمان-جايى انىقتالىپ جاتىر.
پوليتسيا دەپارتامەنتى جۇرگىزۋشىلەردى جول قوزعالىسى ەرەجەسىن قاتاڭ ساقتاۋدى, بەلگىلەنبەگەن جىلدامدىقتى شامادان تىس اسىرماۋدى, قارسى قوزعالىس جولاعىنا شىقپاۋدى ەسكەرتەدى.
