ەرتاس بەسىروۆتىڭ ايتۋىنشا, «نۇركەنت» شاعىناۋدانىندا ۇستەل تەننيسى ورتالىعى اشىلدى. ورتالىقتىڭ نەگىزگى زالى - 20, جاتتىعۋ زالى - 8 تەننيس ۇستەلىمەن جابدىقتالعان. زالدا كورەرمەندەرگە ارنالعان 328 ورىن بار. سونداي-اق 2020-2021 جىلدارى سالىنعان فۋتبول الاڭدارىندا جاتتىقتىرۋشىلار تەگىن جاتتىعۋلار وتكىزەدى.
«ەندى Alatau Creative Hub ورتالىعىندا بالالار تەگىن ۇيىرمەلەر مەن سەكتسيالارعا قاتىسا الادى. سپورت جانە مادەنيەت باعىتتارى بويىنشا تەگىن وقىتاتىن 9 اۋلا كلۋبى جۇمىس ىستەيدى. ال, «Alatau Creative Hub» مادەني-ءبىلىم بەرۋ ورتالىعى بالالاردى تەگىن ۇيىرمەلەرگە قابىلدايدى», دەدى ول.
ونىڭ ايتۋىنشا, جاقىندا اۋدان تۇرعىندارىمەن سپورتتىق جانە شىعارماشىلىق ۇيىرمەلەرىن اشۋ ءۇشىن مادەنيەت ءۇيىنىڭ عيماراتىن ساتىپ الۋ ماسەلەسى تالقىلانعان. مەنشىك يەسىمەن عيماراتتى ساتىپ الۋ ءۇشىن قۇجاتتامانى رەسىمدەۋ بويىنشا جۇمىستار جۇرگىزىلۋدە. عيماراتتى ساتىپ العاننان كەيىن الماتى قالاسىنىڭ ءتيىستى باسقارمالارىمەن بىرلەسىپ ۇيىرمەلەر اشۋ جوسپارلانۋدا.
بۇدان بولەك, «شىڭعا ورلەۋ» جانە «بەلسەندى ۇزاق ءومىر» الەۋمەتتىك ورتالىقتارى بازاسىندا بىرلەسكەن ۇيىرمەلەر اشۋ كوزدەلگەن.
