ء«مينيستردىڭ 2022 جىلعى 18 تامىزداعى بۇيرىعىمەن حولدينگتىڭ باس ديرەكتورى لاۋازىمىنا بيولوگيا عىلىمدارىنىڭ دوكتورى, پروفەسسور كۇنسۇلۋ زاكاريا تاعايىندالدى. كۇنسۇلۋ دالتونقىزى ءال-فارابي اتىنداعى عىلىم جانە تەحنيكا سالاسىنداعى مەملەكەتتىك سىيلىقتىڭ لاۋرەاتى, جاراتىلىستانۋ عىلىمدارى اكادەمياسىنىڭ مۇشەسى, رەسەي جاراتىلىستانۋ اكادەمياسىنىڭ كوررەسپوندەنت-مۇشەسى, سOVID-19 كوروناۆيرۋس ينفەكتسياسىنا قارسى QazCovid-in (QazVac) قازاقستاندىق ۆاكتسيناسىنىڭ ازىرلەۋشىسى», دەدى ا.عينيات.
مينيستر مەملەكەت باسشىسى «QazBioPharm» جاڭا حولدينگىنىڭ الدىنا بيولوگيالىق قاۋىپسىزدىكتى, ەلىمىزدىڭ بيوفارماتسەۆتيكا نارىعىنىڭ تۇراقتى دامۋى مەن جەتىلۋىن قامتاماسىز ەتۋ, بيوفارماتسەۆتيكا عىلىمى مەن ونەركاسىبىن دامىتۋدى ىنتالاندىرۋ, يممۋنوبيولوگيالىق پرەپاراتتار بويىنشا يمپورتقا تاۋەلدىلىكتى ازايتۋعا قاتىستى مىندەتتەر قويعانىن ەسكە سالدى.
اجار عينيات ۇلتتىق حولدينگتىڭ قايتادان سايلانعان باسشىسىنا ساتتىلىك, جەمىستى ەڭبەك تىلەدى. بۇدان بۇرىن كۇنسۇلۋ زاكاريا قر دسم «بيولوگيالىق قاۋىپسىزدىك پروبلەماسىن عىلىمي-زەرتتەۋ ينستيتۋتى» رمك باس ديرەكتورىنىنىڭ مىندەتىن اتقارعان بولاتىن.
ول بيولوگيالىق قاۋىپسىزدىك, بيوتەحنولوگيا جانە ميكروبيولوگيا سالاسىنداعى مويىندالعان مامان رەتىندە بەلگىلى. ك.زاكاريانىڭ جەتەكشىلىگىمەن بيوتەحنولوگيا, بيولوگيالىق قاۋىپسىزدىك جانە ميكروبيولوگيا سالاسىنداعى قۇرامىنا 200-دەن اسا عىلىمي جوبا مەن 22 حالىقارالىق جوبا كىرەتىن 10 عىلىمي-تەحنيكالىق باعدارلامانىڭ ورىندالۋىن ۇيلەستىرۋ, مونيتورينگ جانە باقىلاۋ جۇزەگە اسىرىلدى. ونىڭ ىشىندە «قازاقستان رەسپۋبليكاسىنىڭ ۆەتەريناريالىق قاۋىپسىزدىگى: ەپيزوتولوگيالىق مونيتورينگ, اسا قاۋىپتى جۇقپالى اۋرۋلاردىڭ الدىن الۋعا جانە دياگنوستيكاعا ارنالعان ارناۋلى قۇرالداردىڭ سىناعى, ەنگىزىلۋى جانە كوممەرتسياليزاتسياسى» عتب; «قازاقستان رەسپۋبليكاسىنىڭ بيولوگيالىق قاۋىپسىزدىگى: قاۋىپتى باعالاۋ; ونى ەسكەرتۋ مەن جويۋدىڭ عىلىمي-تەنيكالىق نەگىزدەرى» عتب, «ۆوزراجدەنيە» ارالى اۋماعىنىڭ قازاقستاندىق بولىگىن شارۋاشىلىق اينالىمعا قوسۋدى عىلىمي-پراكتيكالىق سۇيەمەلدەۋ» عتب, «COVID-19 كوروناۆيرۋس ينفەكتسياسىنا قارسى ۆاكتسينا ازىرلەۋ» عتب-عا جەتەكشىلىك ەتتى.
