رەسپۋبليكالىق «قاراسورا» ءىس-شاراسى اياسىندا مەدەۋ اۋدانىنداعى ۇيلەردىڭ بىرىندە 57 جاستاعى گ.ەسىمدى ازامات ۇستالدى.
«كۇدىكتىنىڭ ۇيىنەن رۇقسات ەتىلگەن ءتىنتۋ كەزىندە جالپى سالماعى 23 كەلىدەن اساتىن ماريحۋانا ەسىرتكىسى تابىلىپ, تاركىلەندى. ءۇيدىڭ ىرگەسىندەگى اۋماقتان دا ءوزى وسىرگەن 6 ءتۇپ قاراسورا تابىلدى», دەيدى ەكسترەميزمگە قارسى كۇرەس باسقارماسىنىڭ باستىعى ماۋلەن قاسىمجان.
اتالعان دەرەك بويىنشا قر قك-ءنىڭ 297-بابى 1-بولىگىنە سايكەس سوتقا دەيىنگى تەرگەۋ امالدارى باستالدى.
تەرگەۋ قر قك-ءنىڭ 300-بابى 1-بولىگىنە (قۇرامىندا ەسىرتكى زاتتارى بار وسىمدىكتەردى زاڭسىز ءوسىرۋ) سايكەس قوسىمشا قىلمىستىق ءىس قوزعاۋ تۋرالى ماسەلەنى شەشىپ جاتىر.
