«پرەزيدەنت قاسىم-جومارت توقاەۆ سوچيدە ۇزاققا سوزىلعان جەكە كەزدەسۋدەگى كەلىسسوزدىڭ قورىتىندىسىنا كوڭىلى تولاتىنىن جەتكىزدى. مەملەكەت باسشىسىنىڭ پىكىرىنشە, كەلىسسوز ءوزارا سەنىم ءارى ىسكەرلىكپەن ەرەكشەلەنگەن ايىرىقشا دوستىق اتموسفەرادا ءوتتى. پرەزيدەنت ساۋدا-ەكونوميكالىق, ينۆەستيتسيالىق جانە گۋمانيتارلىق ىنتىماقتاستىققا, ەكى ەلدىڭ حالىقارالىق ارەناداعى ءوزارا ءىس-ارەكەتىنە قاتىستى بارلىق ماسەلەلەر جان-جاقتى تالقىلانعانىن اتاپ ءوتتى. مەملەكەت باسشىلارى ءوز دەڭگەيىندەگى ۋاعدالاستىقتاردى ەكى ەل ۇكىمەتتەرىنىڭ تۇراقتى تۇردە جۇزەگە اسىرۋى ماڭىزدى دەپ تۇسىنەدى», دەپ جازدى رۋسلان جەلدىباي Facebook پاراقشاسىندا.
ونىڭ ايتۋىنشا, پرەزيدەنتتەر تۇراقتى جۇمىس بايلانىسىن ودان ءارى جالعاستىرۋعا كەلىسكەن.
قاسىم-جومارت توقاەۆ ۆلاديمير پۋتينگە قۇرمەتى مەن قوناقجايلىعى ءۇشىن شىنايى ريزاشىلىعىن ءبىلدىردى.
