ايماقتار • 19 تامىز، 2022

ششۋچينسكتەگى ويىن الاڭىندا 9 جاستاعى بالا جاراقات الدى

37 رەت كورسەتىلدى

ششۋچينسك قالاسىنداعى فۋتبول الاڭىندا كامەلەتكە تولماعان بالانىڭ باسىنان جاراقات الۋ فاكتىسى بويىنشا قىلمىستىق ءىس قوزعالدى، دەپ حابارلايدى Egemen.kz Polisia.kz-كە سىلتەمە جاساپ.

ەستەرىڭىزگە سالا كەتەيىك، وقيعا بيىل 17 تامىزدا ششۋچينسك قالاسىندا ورنالاسقان فۋتبول الاڭدارىنىڭ بىرىندە بولعان. ساعات 17:00 شاماسىندا جەرگىلىكتى پوليتسيا بولىمىنە 9 جاستاعى بالا قورشاۋدان شىعىپ تۇرعان تەمىردىڭ كەسىرىنەن جاراقات العانى تۋرالى حابارلاما كەلىپ ءتۇستى. اتالعان فاكتىگە قاتىستى قۇقىق قورعاۋ ورگاندارى قر قك-ءنىڭ 278-بابى 1-بولىگى (ساپاسىز قۇرىلىس) بويىنشا سوتقا دەيىنگى تەرگەۋدى باستادى.

تەرگەۋ اياسىندا اتالعان بالالار الاڭىنىڭ قۇرىلىسشىسى انىقتالدى، سونداي-اق نىسان «بۋراباي اۋدانىنىڭ تۇرعىن ءۇي-كوممۋنالدىق شارۋاشىلىق جانە تۇرعىن ءۇي ينسپەكتسياسى ءبولىمى» مم بالانسىندا تۇرعاندىعى بەلگىلى بولدى. قازىرگى ۋاقىتتا بىرقاتار سوت-ساراپتاماسى تاعايىندالدى، تەرگەۋ جالعاسۋدا.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار