قوعام • 19 تامىز، 2022

وسكەمەندە ەسىرتكى تاسىمالداعان قىلمىستىق توپ ۇستالدى

46 رەت كورسەتىلدى

وسكەمەندە پوليتسەيلەر 65 ملن تەڭگەنىڭ ەسىرتكىسىن تاركىلەدى، دەپ حابارلايدى Egemen.kz Polisia.kz-كە سىلتەمە جاساپ. 

شىعىس قازاقستان وبلىسىنىڭ پوليتسەيلەرى قر ۇلتتىق ۇلانىنىڭ ارنايى بولىمشەلەرىن تارتا وتىرىپ، ەلدىڭ شىعىسىنا ەسىرتكى جەتكىزۋگە قاتىسى بار ادامداردىڭ قىلمىستىق ارەكەتتەرىنىڭ جولىن كەسۋ بويىنشا ارنايى وپەراتسيا وتكىزدى.

ناتيجەسىندە 3،5 مىڭ ءبىر رەتتىك دوزاعا تەڭ سالماعى 1 كەلىگە جۋىق سينتەتيكالىق ەسىرتكىنىڭ اسا ءىرى پارتياسىن وسكەمەن قالاسىنا اكەلمەك بولعان 35 جاستاعى الماتىلىق ۇستالدى. ۇستاۋ بارىسىندا اۆتوكولىكتە ونىمەن بىرگە جۇبايى دا وتىرعان. قاسكوي كۇدىككە ىلىنبەس ءۇشىن وزىمەن بىرگە ونى ادەيى جولعا العانى ءمالىم بولدى.

ءبىراز ۋاقىتتان سوڭ قىلمىستىق توپتىڭ ەكىنشى قاتىسۋشىسى دا قولعا ءتۇستى. ۇستالعان 29 جاستاعى ەر ادامنان 2 مىڭ دوزاعا تەڭ 600 گرامم سينتەتيكالىق ەسىرتكى تاركىلەندى.

ەسىرتكى ارناسىن جويۋ بويىنشا ارنايى وپەراتسيا وسكەمەنگە ارنايى كەلگەن اقتوبە قالاسىنىڭ 24 جاستاعى تۇرعىنىن ۇستاۋمەن اياقتالدى. ءتىنتۋ بارىسىندا ودان قۇرامىندا 0،5 كەلىدەن استام الفا-PVP پسيحوتروپتىق سۇيىقتىعى بار 5 پلاستيكالىق ىدىس تاركىلەندى.

«قابىلدانعان شارالار ناتيجەسىندە، وبلىس ورتالىعىندا شامامەن مولشەرى 8 مىڭ ءبىر رەتتىك ەسىرتكى دوزاسىن جەتكىزۋدىڭ ارناسى جويىلدى، ونىڭ قارا نارىقتاعى قۇنى شامامەن 65 ملن تەڭگەدەن اسادى. قازىرگى ۋاقىتتا كۇدىكتىلەردىڭ ۇشەۋى دە قاماۋعا الىندى. ولاردىڭ ارەكەتتەرى قر قك-ءنىڭ 297-بابى 3-بولىگى بويىنشا سارالانادى، ونىڭ سانكتسياسىندا 10 جىلدان 15 جىلعا دەيىن باس بوستاندىعىنان ايىرۋ تۇرىندەگى جازا كوزدەلگەن»، دەدى شقو پوليتسيا دەپارتامەنتى باستىعىنىڭ ورىنباسارى تالعات شاياحمەتوۆ.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار