ايماقتار • 19 تامىز، 2022

اقمولادا قارجى پيراميداسىن ۇيىمداستىرعاندار ۇستالدى

41 رەت كورسەتىلدى

قارجىلىق مونيتورينگ اگەنتتىگىنىڭ اقمولا وبلىسى بويىنشا دەپارتامەنتى قىلمىستىق جولمەن الىنعان اقشانى زاڭداستىرۋ فاكتىسى بويىنشا قارجى پيراميداسىنىڭ ەكى ۇيىمداستىرۋشىسىنا قاتىستى سوتقا دەيىنگى تەرگەۋدى باستادى، دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.

«سالىمشىلاردى تارتۋ سحەماسى جالعان ساياحاتشىنىڭ كارتاسى شوتىنا 2 000 اقش دوللارىن سالۋدى جانە ونىڭ ورنىنا 6 900 اقش دوللارىن الۋدى قامتىدى. بۇل اقشا شەتەلدىك قوناقۇيلەردەگى قىزمەت قۇنىنىڭ 80%-ىن تولەۋگە جۇمسالۋى تۋرالى جالعان اقپارات تاراعان. اقشا بولماسا، 5 سمارت ساعات ساتىپ الۋعا ونلاين نەسيە بەرۋ ۇسىنىلدى. سالىمشىلار سمارت ساعات الماعان، ورنىنا «Qnet Mobile» قوسىمشاسىنداعى جالعان شوتقا «ەكاردتار» ءتۇسىپ وتىرعان. ولاردى جولاۋشى كارتاسىن ساتىپ العاندا پايدالانۋعا بولادى. ۇيىمداستىرۋشىلار 8،5 ميلليون تەڭگە كولەمىندەگى قىلمىستىق كىرىستىڭ ءبىر بولىگىن قازاقستاندىق بانكتەردىڭ بىرىندەگى دەپوزيتتىك شوتتارعا سالىپ، دەپوزيت بويىنشا سىياقى تۇرىندە قوسىمشا تابىس العان»، دەلىنگەن رەسمي حابارلامادا.

قازىر تەرگەۋ امالدارى جۇرگىزىلىپ جاتىر. قر كپك 201-بابىنا سايكەس تەرگەۋ مۇددەسىنە قاتىستى وزگە مالىمەتتەر جاريا ەتىلمەيدى.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار