الەمدەگى ەڭ ۇزدىك 5 حالىقارالىق وليمپيادانىڭ قاتارىنا كىرەتىن International Olympiad in Informatics ءبىلىم بايگەسى بيىل 34-ءشى رەت يندونەزيادا وتكىزىلدى. 90-عا جۋىق ەلدەن 350-دەن ارتىق وقۋشى قاتىسقان بۇل سىندا مۇحامماداريف كۇمىس مەدالدى يەلەندى.
«شاكىرتىمىزدىڭ كەزەكتى جەتىستىگى ءبىزدى ەرەكشە قۋانتىپ وتىر. ولاي دەيتىنىمىز, مۇحامماداريف بىلتىر وسى وليمپيادانىڭ قولا مەدالىنە قول جەتكىزگەن ەدى. ەندى مىنە, سول كورسەتكىشىن جاقسارتىپ, تاعى ءبىر ساتىعا كوتەرىلدى. جالپى, ماقتاۋلى وقۋشىلارىمىزدىڭ قاتارىنا كىرەتىن ونىڭ قانجىعاسىندا ينفورماتيكا پانىنەن رەسپۋبليكالىق جانە حالىقارالىق جاۋتىكوۆ وليمپياداسىنىڭ التىن مەدالدارى بار. جۇلدەگەردى سەمەيگە كەلگەندە ۇستازدارى, سىنىپتاستارى ۇلكەن قوشەمەتپەن كۇتىپ الۋدى جوسپارلاپ وتىر», دەدى مەكتەپ ديرەكتورى باعدان قايىرجانوۆ.
مۇحامماداريف وليمپيادا بارىسىندا الگوريتمدىك ەسەپتەردى شەشىپ, باعدارلامالاۋدان ەكى كۇن بويى باق سىنادى.
سەمەي
