ايماقتار • 19 تامىز، 2022

ۇلىقۇم ەتەگىندە ۇيىمداستىرىلعان يگى ءىس

69 رەت كورسەتىلدى

اتا كاسىبىمىز – مال شارۋاشىلىعىنا قازىر جاستاردىڭ قىزىعۋشىلىعى باياۋلاۋ ەكەنى راس. ءتورت ت ۇلىكتىڭ بابىن تاۋىپ، ءتىپتى ءونىمىن ۇيلەستىرۋدىڭ دە رەتىن تولىق بىلىڭكىرەمەيتىندەر بار. وسىندايدا ۇلكەندەرىمىزدىڭ شوپانعا دا «ديپلوم» كەرەك دەپ استارلاپ، مالشىعا اسقان جاۋاپكەرشىلىك قاجەت ەكەنىن مەڭزەيتىنى شىندىققا سايادى.

شالقار اۋداندىق جاستار رەسۋرس­تىق ورتالىعى دالا توسىندە قىزا­تىن وسى كاسىپكە قالا بالاسىنىڭ قىزى­عۋ­شىلىعىن ارتتىرۋ ماقساتىمەن جاس­تار­دىڭ ءبىر كۇنىن شارۋا قوجالىعى باسىندا وتكىزۋدى ۇيىمداستىردى.

جاستار بارعان شالقار اۋىلدىق وكرۋگىنە قاراستى «قاراجيدە» شارۋا قوجالىعى 1997 جىلى قۇرىلعان. توراعاسى ەسەنكەلدى جانسۇگىروۆ وسى قوجا­لىقتىڭ ىرگەسى قالانعان كۇن­نەن باس­تاپ شارۋاشىلىق باسىندا. باق­تى­باي دەپ اتالاتىن جەر ونىڭ جاز جايلاۋى. جول بويى اۋىل كورىنىسىنە كوز تىگىپ، ات بايلاعان قوناقتاردى ەسەنكەلدى اعا مەن زايىبى ايساۋلە اپاي كەڭ پەيىلمەن قارسى الدى.

– قوجالىقتى قۇرعان كۇننەن باستاپ، وتباسىممەن وسى جەردەمىن. ويت­پەسەڭ، ءىسىڭ العا باسا ما؟! قازىر ءبارى مىڭعىرتىپ مال ۇستاعىسى كە­لەدى، بىراق ونىڭ سوڭىنا ءتۇسىپ باعۋعا قۇل­قى جوق. ءوزىڭ باس-كوز بولىپ وتىر­ساڭ، شارۋانىڭ دا بەرەكەسى ارتادى. كۇن ۇزاعىنا تىستا ەڭبەك ەتەتىن ادام ۇيگە كىرگەندە اعارعانى تولى داستارقانى جايىلىپ تۇرماعاسىن شارۋاسى جايلانا ما؟! سوندىقتان ءبىز بالا-شاعامىزبەن وسىندامىز. وزىمىزگە تيەسىلى 3 مىڭ گەكتاردان استام جەرىمىز بار. مەملەكەتتىك باعدارلاما كومەگىمەن جايلاۋدان سۋ ۇڭعى­ماسىن قازدىرىپ جاتىرمىن، – دەيدى شارۋا­شىلىق توراعاسى ەسەنكەلدى اعا.

التى بالانىڭ اناسى ايساۋلە اپا­مىز اعارعانى مول ۇيگە بەرەكە ۇيالاي­دى دەپ، جاستارعا تۇيەنى قالاي ساۋ­دىڭ، بوتاسىن بولەك ۇستاپ، ءيدىرۋدىڭ تاسىلدەرىمەن تانىستىردى.

وتاعاسى ەر بالالارعا قوي قىرقۋ­دىڭ، ونى سويىپ، ەتىن جىلىكتەپ قوناققا تاباق تارتۋدىڭ جولدارىن كورسەتتى. جاستار وسى ءىس-شارا اياسىندا اتقا ءمىنىپ، ورىستەن قوي قايتارىپ، ساقماننىڭ سوڭعى ساتتەرىنە كۋا بولدى. جانە دە اڭ اۋلاۋعا دا اۋەسقويلىعى بار شارۋا­نىڭ ءوز اۋزى­نان ات باپتاۋدىڭ، جەتى قازىنانىڭ ءبىرى – تازى ءيتتى اسىراۋدا قاپەردە ۇستايتىن جايتتاردى ەستىدى.

يگى ءىس-شاراعا قاتىسقان وبلىس­تىق جاستار رەسۋرستىق ورتالىعى جاس­تار ءبولىمىنىڭ باسشىسى ازات ورازا­لين، اۋداندىق جاستار رەسۋرستىق ورتا­لىعىنىڭ باسشىسى جاننا ابدەنوۆا كولدەي كوڭىلىمەن ءبىر كۇندىك شارۋاسىن ىسىرىپ قويىپ، جاستارمەن ەمەن-جارقىن تىلدەسىپ، ءتورت ت ۇلىكتى ورىستە تەڭ ورگىزۋدىڭ جاي-جاپسارىمەن بولىسكەن شارۋاشىلىق يەلەرى ەسەنكەلدى اعا مەن ايساۋلە اپاعا شىنايى ريزاشىلىعىن ءبىلدىردى.

جاستاردان كۇتەر ءۇمىت كوپ. «بولا­شاق جاستاردىڭ قولىندا» دەيتىنىمىز دە سوندىقتان. ۇلىقۇمنىڭ ەتەگىندە اتا كاسىپتى وتباسىمەن جۇرگىزىپ وتىر­عان ەڭبەك ادامدارى جاستارعا: «ۋاقىت­تارىڭدى باعالاڭدار، ەرىنشەك بولماڭ­دار»، دەپ تىلەكتەرىن ءبىلدىردى.

 

مۇحتار مىرزالين

 

اقتوبە وبلىسى،

شالقار قالاسى

سوڭعى جاڭالىقتار

ەل بىرىنشىلىگى باستالدى

بوكس • بۇگىن، 07:42

دۋبايدا دايىندالادى

تەننيس • بۇگىن، 07:40

«بارىس» تاعى جەڭىلدى

حوككەي • بۇگىن، 07:39

كىشكەنتاي قۇتقارۋشى

قوعام • بۇگىن، 07:38

جاساندى جۇرەك تە ءومىردى ۇزارتادى

مەديتسينا • بۇگىن، 07:37

كارديولوگتەر ەنگىزگەن تەحنولوگيا

مەديتسينا • بۇگىن، 07:35

جىلۋ قۇبىرىنداعى اپات

ايماقتار • بۇگىن، 07:32

مۇز قۇرسانعان ەكىباستۇز

ايماقتار • كەشە

ءۇمىت ساۋلەسى

ساياسات • كەشە

ساڭلاقتىڭ سوڭعى سامعاۋى

قازاقستان • كەشە

ۇقساس جاڭالىقتار