سەناتور ەرىك سۇلتانوۆ جۇمىس ساپارى بارىسىندا شال اقىن اۋدانىندا بىرلىك اۋىلىنداعى مەشىت قۇرىلىسىنىڭ بارىسىمەن تانىسىپ, اۋىل تۇرعىندارىمەن ازاماتتاردى تولعاندىراتىن وزەكتى ماسەلەلەردى تالقىلادى.
«اۋىلدى دامىتۋ ءۇشىن زاماناۋي تەحنولوگيالاردى ەنگىزۋ عانا ەمەس, كادر تاپشىلىعى ماسەلەسىن شەشۋ دە ماڭىزدى. جەرگىلىكتى كادرلاردى دايارلاۋ قاجەت. بۇگىندە مەملەكەتتىك باعدارلامالار اۋىل تۇرعىندارىنىڭ ەڭبەك كۇشى تاپشى ايماقتارعا كوشۋىن كوزدەيدى», دەپ اتاپ ءوتتى ەرىك سۇلتانوۆ.
سونىمەن قاتار دەپۋتات رەسپۋبليكالىق ماڭىزى بار ا-16 پەتروپاۆل-جەزقازعان جولىنىڭ جاي-كۇيىمەن جانە جاڭاجول اۋىلىنىڭ بىرقاتار الەۋمەتتىك نىساننىڭ جۇمىسىمەن تانىستى. سونداي-اق سۋ قۇبىرى جەلىلەرىن جوندەۋ جۇمىستارىنا نازار اۋدارىپ, باستالعان ءىستىڭ ساپالى ءارى ۋاقتىلى اياقتالۋىنىڭ ماڭىزدى ەكەنىن اتاپ ءوتتى.
كەزدەسۋ بارىسىندا دەپۋتات جەرلەستەرىنە سەناتتىڭ وتكەن سەسسياداعى جۇمىسىنىڭ قورىتىندىلارى تۋرالى ايتىپ, قابىلدانعان زاڭداردىڭ نەگىزگى نورمالارىن ءتۇسىندىردى.
ال سەناتور ۆلاديمير ۆولكوۆ الماتى وبلىسىنىڭ قاراساي اۋدانىندا بولىپ, اكىمشىلىك سوتتىڭ جۇمىسىمەن تانىستى. سونداي-اق سۋديالارمەن كەزدەسۋ وتكىزىپ, سوت تورەلىگىنىڭ ساپاسىن ارتتىرۋعا جانە كادرلاردى ىرىكتەۋدى جاقسارتۋعا قاتىستى ماسەلەلەردى تالقىلادى.
«سوڭعى ءتورت جىلدىڭ ىشىندە عانا زاڭ شىعارۋشى ورگان سوت جۇيەسىن جاڭعىرتۋعا باعىتتالعان 33 زاڭ قابىلدادى. سوت رەفورماسىنىڭ نەگىزگى باسىمدىقتارى سوتتارعا دەگەن سەنىمدى ارتتىرۋ, سۋديالاردىڭ جوعارى كاسىبي دەڭگەيىن جانە ازاماتتاردىڭ سوت تورەلىگىنە قول جەتكىزۋىن قامتاماسىز ەتۋ ەكەنىن اتاپ وتكەن ءجون», دەدى ۆلاديمير ۆولكوۆ.
سونىمەن قاتار كەزدەسۋگە قاتىسۋشىلار مەدياتسيا ينستيتۋتىن دامىتۋعا قاتىستى ماسەلەلەردى, سونداي-اق سوت تورەلىگىنىڭ ساپاسىن ودان ءارى ارتتىرۋدىڭ باسىمدىقتارىنا نازار اۋداردى.
