وبلىستىق پوليتسيا دەپارتامەنتىنىڭ حابارلاۋىنشا جول-كولىك وقيعاسى 17 تامىزدا تۇنگى ۋاقىتتا بولعان.
«جەرگىلىكتى ۋاقىتپەن ساعات 22:40 شاماسىندا ماركاسى «ۆاز-2114» اۆتوكولىگىنىڭ جۇرگىزۋشىسى اتىراۋ قالاسىندا ەكى ءجاسوسپىرىمدى قاعىپ كەتكەنى بەلگىلى بولدى. ول ساتپاەۆ كوشەسىندە ورنالاسقان «اتىراۋ» ويىن-ساۋىق ورتالىعى تۇسىندا رەتتەلمەگەن جاياۋ جۇرگىنشىلەر وتكەلىنەن ءوتىپ بارا جاتقان 2004 جانە 2005 جىلعى جاسوسپىرىمدەردى كولىگىمەن قاعىپ كەتكەن», دەلىنگەن حابارلامادا.
بەلگىلى بولعانداي, جول-كولىك وقيعاسىنا كىنالى جۇرگىزۋشى كولىگىن وقيعا ورنىندا تاستاپ, قاشىپ كەتكەن. قازىر «ۆاز-2114» اۆتوكولىگى ارنايى تۇراققا قويىلدى. ال ونىڭ جۇرگىزۋشىسىن ىزدەستىرۋ جۇمىسى ءجۇرىپ جاتىر.
