ەلوردا • 18 تامىز، 2022

كامەرالار انىقتايدى: ەلوردادا جەرگە تۇكىرگەندەر جازالانادى

217 رەت كورسەتىلدى

ەلوردانىڭ ءماسليحات دەپۋتاتتارى جەرگە تۇكىرگەنى ءۇشىن جازانى قاتاڭداتۋدى ۇسىندى، دەپ حابارلايدى Egemen.kz اكىمدىكتىڭ رەسمي سايتىنا سىلتەمە جاساپ.

وسى ماقساتتا بەينەباقىلاۋ كامەرالارىن پايدالانۋ ارقىلى جازالاۋ جۇمىسى قولعا الىنباق. ءتارتىپ بۇزۋشىلار كولىك ءنومىرى بويىنشا انىقتالادى. بۇل شارالار ءتارتىپ بۇزۋشىلىقتار سانىن ازايتۋعا مۇمكىندىك بەرەدى.

كوشەدە، قوعامدىق ورىنداردا تۇكىرۋگە جانە قوقىس تاستاۋعا تىيىم سالىنادى. ءتارتىپ بۇزۋشىلار جاۋاپكەرشىلىككە تارتىلادى، ياعني اكىمشىلىك ايىپپۇل سالىنادى. كوشەدە جانە قوعامدىق ورىنداردا تۇكىرۋ ەرسى كورىنىپ قانا قويماي، ءتۇرلى باكتەريالاردىڭ تارالۋىنا اكەلۋى مۇمكىن.

وسىنداي جاعدايعا كۋا بولعان تۇرعىندار قۇقىق قورعاۋ ورگاندارىنا جۇگىنە الادى، ءسوزىن راستاۋ ءۇشىن فوتو نەمەسە ۆيدەونى قوسا بەرۋ قاجەت.

سوڭعى جاڭالىقتار

ۇقساس جاڭالىقتار