ەلوردا • 18 تامىز، 2022

ەلورداداعى جاڭا كوپىردە اۆتوبۋس باعىتى ىسكە قوسىلدى

47 رەت كورسەتىلدى

نۇر-سۇلتاندا №60 اۆتوبۋس باعىتى ۇزارتىلدى. ەندى ول ۇلى دالا داڭعىلى بويىنداعى جاڭا كوپىر ۇستىنەن وتەدى. بۇل تۋرالى City Transportation Systems حابارلادى، دەپ جازادى Egemen.kz.

«تۇرعىنداردىڭ كوپتەگەن سۇراۋى بويىنشا جانە كولىك قىزمەتىن جاقسارتۋ ماقساتىندا، 19 تامىزدان باستاپ № 60 اۆتوبۋس باعدارى ۇلى دالا داڭعىلىنداعى جاڭا كوپىر ارقىلى «نۇرلى جول» تەمىرجول ۆوكزالىنا دەيىن قاتىنايدى. وسىلايشا سول جانە وڭ جاعالاۋ اراسىنداعى كولىك بايلانىسىن جاقسارتادى»، دەلىنگەن حابارلامادا.

باعدار قوزعالىسى مىناداي: «تاليسمان» تك ايالداماسىنا دەيىن وزگەرىسسىز، ۇلى دالا داڭعىلىمەن تۋرا، ارى قاراي ەسىل وزەنى ارقىلى وتەتىن كوپىر، ناجىمەدەنوۆ كوشەسىنەن وڭعا، ارى قاراي «نۇرلى جول» تەمىرجول ۆوكزالىنا دەيىن.

ەسكە سالايىق، 8 تامىزدا ۇلى دالا داڭعىلى بويىنداعى جاڭا كوپىر اشىلعان بولاتىن. 

 

 

سوڭعى جاڭالىقتار

ۇقساس جاڭالىقتار