ايماقتار • 18 تامىز، 2022

تەمىرتاۋدا گاز تۇتاندى

27 رەت كورسەتىلدى

تەمىرتاۋ قالاسىنداعى مەتاللۋرگتەر داڭعىلى بويىنداعى №5/2 ۇيدە گاز-اۋا قوسپاسىنىڭ تۇتانۋى سالدارىنان ءۇش بىردەي پاتەرگە ايتارلىقتاي زاقىم كەلدى. ءتورت ادام زارداپ شەگىپ، 53 ادام قاۋىپسىز جەرگە كوشىرىلدى.

وقىس وقيعا بولعان جەرگە قاراعاندى وبلىسى اكىمىنىڭ ورىنباسارى ۆاديم باسين، تەمىرتاۋ قالاسىنىڭ اكىمى قايرات بەگىموۆ باردى. شۇعىل قىزمەت تۇرلەرى دە جەدەل جەتتى. تۇتانۋدىڭ سالدارىنان بولعان ءورت ءسوندىرىلىپ، قۇتقارۋشىلار قۇلاعان قابىرعالاردىڭ ۇيىندىلەرىن تازارتۋ بويىنشا جۇمىستاردى ۇيىمداستىردى.

توتەنشە جاعدايلار جونىندەگى دەپارتامەنت حابارلاعانداي، وقيعا كۇندىز ساعات 12.00-ءدىڭ شاماسىندا بەس قاباتتى ءۇيدىڭ ءۇشىنشى قاباتىندا بولعان ەكەن. گاز-اۋا قوسپاسىنىڭ تۇتانۋىنان كەيىن ءدۇمپۋ بولىپ، پاتەرارالىق قابىرعالار مەن استىڭعى جانە ۇستىڭگى قاباتارالىق پليتالار قۇلاعان.

ءدۇمپۋدىڭ كۇشتى بولعانى سونشا، 12 پاتەردىڭ تەرەزەلەرى مەن سىرتقى ەسىكتەرىنە ءىشىنارا زاقىم كەلگەن. ال زارداپ شەككەن ءتورت ادامنىڭ ۇشەۋى بۇگىندە اۋرۋحانادان شىعىپ، تەك بىرەۋى عانا دارىگەرلەردىڭ باقىلاۋىندا جاتىر.

تەمىرتاۋداعى توتەنشە وقيعا بويىنشا جەدەل شتاب قۇرىلدى. ول وقيعانىڭ سەبەپ-سالدارىن انىقتايتىن بولادى. ال قالا اكىمى تۇرعىندارمەن كەزدەسىپ، زاقىمدانعان پاتەرلەردى قالپىنا كەلتىرۋ جانە كوشىرىلگەن ادامداردى ۋاقىتشا ورنالاستىرۋ بويىنشا قولدان كەلگەن كومەكتىڭ ءبارى جاسالاتىنىنا ۋادە بەردى.

 

قاراعاندى وبلىسى،

تەمىرتاۋ قالاسى

سوڭعى جاڭالىقتار

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار