قازاقستان • 16 تامىز، 2022

زاۋىت سۇزگىلەرى اۋىستىرىلدى

53 رەت كورسەتىلدى

اقسۋ فەرروقورىتپا زاۋىتىندا جىل باسىنان بەرى ءۇش گاز تازارتۋ جۇيەسىندە جەڭدىك سۇزگىلەر اۋىستىرىلدى. ولاردى ۇدايى اۋىستىرۋ كاسىپورىنعا گازتازالاعىشتاردىڭ تيىمدىلىگىن ارتتىرۋعا مۇمكىندىك بەرەدى جانە فەرروقورىتپا ءوندىرىسىنىڭ شىعارىندىلارىن ازايتادى.

جەڭدىك سۇزگىلەر گازدى تازار­تۋ ءۇشىن قولدانىلادى. مە­تالل بالقىتۋ كەزىندە گاز تۇزى­لەتى­نى بەلگىلى. گازدار گاز تازارتۋ جۇيە­سىنە تارتىلىپ، سۇزگىلەردەن وتەدى. سونىڭ سالدارىنان سۇزگىلەردىڭ بەتىندە ۇساق شاڭدار قالادى. قون­دىرعى 99 پايىز بارىنشا ءتيىمدى جۇ­مىس ىستەۋى ءۇشىن سۇزگىلەردى تۇراق­تى تۇردە الماستىرۋ ما­ڭىز­دى. ونىمەن كاسىپورىننىڭ ارنايى قىزمەتى اينالىسادى.

اقسۋ فەرروقورىتپا زاۋى­تىندا بيىل ءۇش بالقىتۋ تسەحىنىڭ جەڭ­دىك سۇزگىلەرى اۋىس­تىرىلدى.

– بۇكىل الەمدە قولدانىلىپ جۇر­­­گەن سەريتيفيكاتى بار، تەكسە­رىستەن وتكەن سۇزگىلەردى عانا پايدا­لانامىز. ءار گاز تازالاعىش­­تىڭ ءوز سۇزگىسى بولادى. سۇزگىلەردىڭ بار­لىعى يننوۆاتسيالىق ماتە­ريال­­داردان جاسالعان. ولار سۇز­گىلەر­دىڭ بەرىكتىگىن قامتاماسىز ەتىپ، ونى پايدالانۋ مەرزىمىنىڭ سوڭىنا دەيىن ساقتايدى. پاي­دا­لانۋ شارتتارىنا بايلانىس­تى ەكى جىلدان ءتورت جىلعا دەيىن قول­دانۋعا بولادى. سۇزگىلەردىڭ توزعانىن كۇتىپ وتىرمايمىز، ولاردى ەرتەرەك اۋىستىرا بەرەمىز، – دەيدى زاۋىتتىڭ باس ەكولوگى يننا داۆىدوۆا.

ونىڭ ايتۋىنشا، كۇن سۋىت­قان­شا تاعى ءۇش گاز تازارتۋ كەشەنىنە جاڭا سۇزگىلەر قويىلادى.

بۇدان بولەك كاسىپورىندا №4 بال­قىتۋ پەشىنىڭ گاز تازارتۋ قۇرىلعىسى جەتىلدىرىلىپ جاتىر. بىلتىر مۇندا №42 پەش ءۇشىن جاڭا گاز تازالاۋ كەشەنى سالىنا باستادى.

– ەكولوگيا جانە تابيعي رە­سۋرس­تارعا ۇقىپتى قاراۋ ERG ءۇشىن قاشان دا ماڭىزدى. توپتا 2018 جىلدان بەرى ەكولوگيالىق ستراتەگيا كەزەڭ-كەزەڭىمەن جۇزەگە اسىرىلىپ كەلەدى. ستراتەگيا اياسىندا ۇزدىك يننوۆاتسيالىق شەشىمدەر ەنگىزىلەدى. قازىر كاسىپورنىمىز­دىڭ بارلىق پەشى گاز تازارتقىش قوندىرعىلارمەن جابدىقتال­عان. ونداعى سۇزگىلەردى ۋاقتىلى جاڭالاپ كەلەمىز. مۇنىمەن شەكتەلمەي، تازالاۋ دەڭگەيى جوعارى­لاۋ ءارى پايدالانۋ سيپاتتاماسى جاقسارتىلعان زاماناۋي كەشەن سالامىز، – دەيدى اقسۋ فەرروقورىتپا زاۋىتىنىڭ ديرەكتورى ۆالەنتين چيحيچين.

بۇگىندە №42 پەش گازتازارت­قى­شىنىڭ قۇرىلىس الاڭىندا ءىرى گاباريتتى مەتالل كونسترۋكتسيا­لارى مونتاجدالىپ، كورپۋسى تۇر­عى­زىلىپ جاتىر. كەشەن بۇ­رىن­عى جىلداردىڭ تاجىريبەسىنە سۇيەنە وتىرىپ Siemens (گەرما­نيا) جانە ZVVZ (چەحيا) ءوندى­رى­سىنىڭ جابدىقتارىمەن جاراق­تان­دىرىلادى. ولار يننوۆا­تسيا­لىق تازارتقىش تەحنولوگيا­لار مەن شەشىمدەر سالاسىندا الەم بويىنشا كوش باستاپ تۇر. جاڭا گازتازارتقىشتى اقسۋ مەتال­لۋرگ­تەرى كەلەسى جىلدىڭ سوڭىندا ىسكە قوسۋدى جوسپارلاپ وتىر.

سوڭعى جاڭالىقتار

ءوڭىر جانە وركەنيەت

ساياسات • كەشە

اعا بۋىننىڭ قولداۋى

ساياسات • كەشە

ەسىمنەن كەتپەس ەساعاڭ

رۋحانيات • كەشە

بار ءۇمىت – بۋبليكتە

تەننيس • كەشە

وقىرماننىڭ رۋحاني ولجاسى

ەگەمەن قازاقستان • كەشە

ۇقساس جاڭالىقتار