اتالعان شارا قالا اكىمدىگى مەن كيكشەرينگتىك سەرۆيستەردىڭ اراسىندا جاسالعان قولدانىستاعى مەموراندۋم اياسىندا جۇزەگە اسىرىلۋدا.
ءبىرىنشى كەزەڭدە جول بەلگىلەرى دوستىق, اباي, نازارباەۆ داڭعىلدارى, گوگول كوشەسىنىڭ بويىنا جاسالىپ جاتىر. كەيىن قالانىڭ جۇكتەمەسى مەيىلىنشە جوعارى بولىكتەرىن قامتۋ جوسپارلانۋدا. جىل سوڭىنا دەيىن قالا بويىنشا 500 تۇراق پايدا بولادى.
تۇراق اۋماقتارى اق ءتۇستى بوياۋمەن ساموكات كەسكىنى ارقىلى بەلگىلەنەدى. تۇراق الاڭى شامامەن 4 شارشى مەتردى قۇرايدى, وعان 10-عا جۋىق جالدامالى ساموكات قويۋعا بولادى. ارنايى بەلگىلەردىڭ جاسالۋى قالا تۇرعىندارىنا جالدامالى ساموكاتتاردى جاياۋ جۇرگىنشىلەر مەن كولىكتەرگە كەدەرگى كەلتىرمەيتىن ورىندارعا قالدىرۋعا مۇمكىندىك بەرەدى.
