«تالداۋ بارىسىندا 500-دەن استام مۇگەدەك ازاماتتاردىڭ قۇقىقتارىنىڭ بۇزىلعانى انىقتالدى. سالىق كودەكسىنىڭ 622-بابىنا سايكەس اتالعان تۇلعالار قۇجاتتاندىرۋ قىزمەتتەرى ءۇشىن مەملەكەتتىك باج تولەۋدەن بوساتىلعان.
اقمولا وبلىسى بويىنشا سىبايلاس جەمقورلىققا قارسى ءىس-قيمىل دەپارتامەنتىنىڭ باستاماسىمەن ازاماتتاردىڭ بۇزىلعان قۇقىقتارىن قالپىنا كەلتىرۋ ماسەلەسى كوتەرىلدى. قازىرگى ۋاقىتتا پوليتسيا ورگاندارىمەن بىرلەسىپ تولەنگەن مەملەكەتتىك باجداردى قايتارۋ بويىنشا جۇمىستار جۇرگىزىلۋدە», دەلىنگەن حابارلامادا.
سونىمەن قاتار تالاپ ەتىلگەن باجداردىڭ جالپى سوماسى 1 345 000 تەڭگەنى قۇرادى.
بۇدان ءارى وسىنداي نەگىزسىز مەملەكەتتىك باج الۋدى بولدىرماۋ ءۇشىن دەپارتامەنت اقپاراتتىق جۇيەلەردى ساپالى ينتەگراتسيالاۋدى جۇرگىزۋ, سونداي-اق, بەلگىلى ءبىر ساناتتاعى تۇلعالارعا جانە باسقا دا سالالاردا جەڭىلدىكتەر بەرۋگە قاتىستى قولدانىستاعى زاڭنامانى زەردەلەۋ قاجەتتىگىن اتاپ ءوتتى.
«سىبايلاس جەمقورلىققا قارسى ءىس-قيمىل اگەنتتىگى حالىقتىڭ الەۋمەتتىك وسال توپتارىن قورعاۋ ماقساتىندا حالىققا قىزمەت كورسەتۋ ورتالىقتارى مەن باقىلاۋشى ورگانداردى زاڭ تالاپتارىنا مۇقيات قاراۋعا جانە ازاماتتاردىڭ قۇقىقتارىن بۇزۋعا جول بەرمەۋگە شاقىرادى.
ءوڭىردىڭ الەۋمەتتىك ماڭىزى بار ماسەلەلەرىن شەشۋ بويىنشا جۇمىستار جالعاسۋدا», دەلىنگەن حابارلامادا.
