قوعام • 15 تامىز، 2022

قازاقستاندىقتار ءوز ەركىمەن 1،3 مىڭ اتىس قارۋىن تاپسىردى

27 رەت كورسەتىلدى

ەلىمىزدىڭ بىرقاتار وڭىرىندە ەل تۇرعىندارىنان اتىس قارۋىن، وق-دارىلەر مەن جارىلعىش زاتتاردى ساتىپ الۋ اكتسياسى اياقتالدى. بۇل تۋرالى ىشكى ىستەر مينيسترلىگىنىڭ وكىلى شۇعىلا تۇرلىبەك ايتتى، دەپ حابارلايدى Egemen.kz.

«قوعامدىق قاۋىپسىزدىكتى قامتاماسىز ەتۋ جانە اتىس قارۋىن قولدانا وتىرىپ جاسالاتىن قىلمىستاردىڭ الدىن الۋ ماقساتىندا ءىىم جىل سايىن حالىقتان زاڭسىز ساقتالعان اتىس قارۋىن، وق-دارىلەر مەن جارىلعىش زاتتاردى ساتىپ الۋ بويىنشا اكتسيالار وتكىزەدى. بيىل اتالعان اكتسيا 25 ساۋىردە باستالدى، بۇل ماقساتقا رەسپۋبليكالىق بيۋدجەتتەن 88،7 ملن تەڭگە ءبولىندى»، دەدى ءىىم وكىلى ۆەدومستۆونىڭ ءباسپاسوز قىزمەتى الاڭىندا وتكەن بريفينگتە.

ونىڭ دەرەگىنشە، ءىس-شارا قورىتىندىسىنا سايكەس ىشكى ىستەر ورگاندارىنا 1 مىڭنان استام ازامات جۇگىندى. ولار 1،3 مىڭ اتىس قارۋىن، 9 مىڭنان استام ويىق قارۋ پاتروندارىن ءوز ەركىمەن تاپسىردى.

«بولىنگەن قاراجاتتىڭ يگەرىلۋىنە بايلانىستى اكتسيا نۇر-سۇلتان، الماتى، شىمكەنت قالالارىندا، اقمولا، الماتى، اتىراۋ، جەتىسۋ، باتىس قازاقستان، قاراعاندى، قوستاناي، تۇركىستان، سولتۇستىك قازاقستان، پاۆلودار، ۇلىتاۋ وبلىستارىندا اياقتالدى. ءىىم حالىقتان قارۋ-جاراق زاتتارىن ساتىپ الۋ بويىنشا ءىس-شارالاردى 2008 جىلدان بەرى وتكىزىپ كەلە جاتقانىن اتاپ ءوتۋ قاجەت. وسى كەزەڭدە ازاماتتار ءوز ەركىمەن جالپى 54 مىڭنان استام اتىس قارۋىن، 2 ملن-نان استام ويىق قارۋ پاتروندارىن تاپسىرعان»، دەدى شۇعىلا تۇرلىبەك.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار