الەم • 15 تامىز، 2022

ەگيپەتتە شىركەۋدەگى ورتتەن 41 ادام كوز جۇمدى

38 رەت كورسەتىلدى

كايردىڭ باتىسىندا ورنالاسقان گيزا قالاسىندا شىركەۋدەن شىققان ءورت 41 ادامنىڭ ءومىرىن قيدى، دەپ حابارلايدى Egemen.kz.

مىسىر دەنساۋلىق ساقتاۋ مينيسترلىگىنىڭ مالىمەتىنشە، ءابۋ سەيفەن شىركەۋىندە ءورت شىعىپ، زارداپ شەككەن 12 ادام اۋرۋحاناعا جەتكىزىلگەن. 

وقيعا ورنىنا 37 ءورت ءسوندىرۋ كولىگى جونەلتىلدى. تەرگەۋدىڭ الدىن الا قورىتىندىسى بويىنشا ءورت شىركەۋ عيماراتىنىڭ ەكىنشى قاباتىنداعى اۋانى باپتاۋ جۇيەسىندەگى اقاۋدان شىققانى حابارلاندى.ء ورت ءدىني شەرۋ كەزىندە شىققان. 

مىسىر پرەزيدەنتى ابدەلفاتتاح اس-سيسي گيزاداعى ءال-مۋنير شىركەۋىندەگى ورتتەن كەيىنگى جاعدايدى جەكە باقىلاپ وتىرعانىن ايتتى. 

مەملەكەت باسشىسى بارلىق ءتيىستى مەملەكەتتىك مەكەمەلەر مەن ۇيىمدارعا قاجەتتى شارالاردى قابىلداۋدى تاپسىرعانىن اتاپ ءوتتى. ابدەلفاتتاح اس-سيسي وقيعانىڭ سەبەپتەرىن تەز ارادا جويۋدى جانە زارداپ شەككەندەرگە قاجەتتى مەديتسينالىق قىزمەت كورسەتۋدى بۇيىرعانىن ايتتى. 

اس-سيسي تەلەفون ارقىلى كوپت پراۆوسلاۆيە شىركەۋىنىڭ باسشىسى تاۆادروس II-گە كوڭىل ايتتى.

سوڭعى جاڭالىقتار

ۇقساس جاڭالىقتار