اتىراۋ وبلىستىق پوليتسيا دەپارتامەنتىنىڭ ءباسپاسوز قىزمەتىنەن ءمالىم ەتكەندەي, جول-كولىك وقيعاسى بۇگىن, 13 تامىز كۇنى بولعان.
«بۇگىن جەرگىلىكتى ۋاقىتپەن ساعات 13:30 شاماسىندا دوسسور-قۇلسارى-بەينەۋ تاس جولىنىڭ 157-شاقىرىمىندا «لادا گرانتا» كولىگى اۋدارىلدى. كولىكتىڭ اۋدارىلۋىنا 1992 جىلعى جۇرگىزۋشىنىڭ كولىكتىڭ رۋلىنە يە بولا الماي قالۋى سەبەپ بولعان. جول-كولىك وقيعاسىنىڭ سالدارىنان كولىكتىڭ الدىنعى ورىندىعىنداعى 31 جاستاعى جولاۋشى قازا تاپتى», دەپ حابارلادى دەپارتامەنتتىڭ ءباسپاسوز قىزمەتى.
قازىر پوليتسيا قىزمەتكەرلەرى اتالعان جول-كولىك وقيعاسىنا بايلانىستى تەرگەۋ امالدارىن جۇرگىزىپ جاتىر.
