ۇكىمەت • 13 تامىز، 2022

ۇكىمەت باسشىسى ەلورداداعى قۇرىلىس نىساندارىن تەكسەردى

56 رەت كورسەتىلدى

قر پرەمەر-ءمينيسترى ءاليحان سمايىلوۆ نۇر-سۇلتان قالاسىنداعى جاڭا وندىرىستىك جانە الەۋمەتتىك نىساندار قۇرىلىسىنىڭ بارىسىمەن تانىستى، دەپ حابارلايدى Egemen.kz ۇكىمەتتىڭ رەسمي سايتىنا سىلتەمە جاساپ.

ۇكىمەت باسشىسى «استانا تەحنوپوليس» اەا اۋماعىنداعى «YDA Industrial Park» كوپبەيىندى زاۋىتىنىڭ قۇرىلىس الاڭىنا باردى. كاسىپورىن مەديتسينالىق جابدىقتار، مەديتسينالىق جانە كەڭسە جيھازدارىن، مودۋلدىك قۇراما قۇرىلىستار، سونداي-اق قاسبەتتەر، ۆيتراجدار، تەرەزەلەر مەن ەسىكتەر ءوندىرۋ بويىنشا ينتەگراتسيالانعان كەشەن بولىپ تابىلادى. زاۋىت ونىمدەرى تەك ىشكى نارىققا عانا ەمەس، كورشى ەلدەرگە دە ەكسپورتتالاتىن بولادى. جالپى قۇنى 46 ملن دوللاردان اساتىن جوبا شەتەلدىك ينۆەستورلار ەسەبىنەن جۇزەگە اسىرىلىپ جاتىر. 

د

پرەمەر-مينيستر زاۋىتتى ىسكە قوسۋ قازىرگى كەزدە شەتەلدەن اكەلىنەتىن ءونىم يمپورتىن الماستىرۋعا وڭ اسەرىن تيگىزەتىنىن اتاپ ءوتتى. 

«ەلىمىزدە كاسىپكەرلىك ەركىندىگىن قامتاماسىز ەتۋگە جانە ينۆەستيتسيالىق احۋالدى جاقسارتۋعا باعىتتالعان ەكونوميكالىق رەفورمالار جۇزەگە اسىرىلىپ جاتىر. ءبىز ينۆەستورلاردىڭ كەلۋىن ءاردايىم قولدايمىز. بۇل جوبا – قازاقستاندا ءتيىمدى جۇمىس ىستەپ، كورشى ايماقتاردىڭ نارىقتارىنا شىعۋعا بولاتىندىعىنىڭ دالەلى»، دەدى ۇكىمەت باسشىسى. 

د

ءوز كەزەگىندە «YDA Group» باسقارما توراعاسى حۋسەين ارسلان بەس كاسىپورىننىڭ تورتەۋى قازاقستاندا العاش رەت اشىلاتىنىن اتاپ ءوتتى. 

«قازاقستاندىق تاراپقا بەلسەندى قولداۋ كورسەتكەنى ءۇشىن العىسىمدى بىلدىرەمىن. ءبىز ءتيىستى مينيسترلىكپەن تىعىز ىنتىماقتاستىقتا جۇمىس ىستەيمىز، سوندىقتان وزىمىزگە سەنىمدىمىز»، دەدى حۋسەين ارسلان. 

سونىمەن قاتار ۇكىمەت باسشىسى ەكى اۋىسىمدا 2400 وقۋشىنى قابىلداۋ الەۋەتى بار 1200 ورىندىق جاڭا جالپى ءبىلىم بەرەتىن مەكتەپ قۇرىلىسىنىڭ بارىسىمەن تانىستى. وقۋ ورنى حالىق تىعىز ورنالاسقان ەسىل اۋدانىندا سالىنىپ جاتىر، بۇل №84 جانە №85 مەكتەپ-ليتسەيلەرىندە ورىن تاپشىلىعى ماسەلەسىن شەشۋگە مۇمكىندىك بەرەدى. مەكتەپتى جىل سوڭىندا پايدالانۋعا بەرۋ جوسپارلانىپ وتىر. 

جالپى، بيىل ەلوردادا 11 مەكتەپتىڭ قۇرىلىسىن اياقتاۋ كوزدەلگەن. بۇل قوسىمشا 23 مىڭنان استام وقۋشى ورنىن اشۋعا مۇمكىندىك بەرەدى. 

«سوڭعى جىلدارى جىل سايىن 400 مىڭعا جۋىق بالا دۇنيەگە كەلۋدە. ولاردىڭ ءبارى قازىرگى تاڭدا مەكتەپكە بارىپ جاتىر، ال مەكتەپتەردىڭ شامادان تىس جۇكتەلۋى بايقالادى. سوندىقتان مەكتەپ قۇرىلىسىن رەسپۋبليكالىق بيۋدجەتتەن قارجىلاندىرۋدى ۇلعايتۋ جوسپارلانىپ وتىر. ەلوردانىڭ جاڭا مەكتەپتەرىندە جاراقتاندىرۋدىڭ جوعارى ستاندارتتارى قالىپتاسقان. بالالارعا قولايلى جاعدايدا وقۋعا مۇمكىندىك بەرۋ ءۇشىن ەلىمىزدە سالىنىپ جاتقان باسقا دا ءبىلىم مەكەمەلەرىندە وسى ستاندارتتاردىڭ بولعانىن قالايمىز»، دەدى پرەمەر-مينيستر.

د

سونداي-اق ءاليحان سمايىلوۆ ءا. بەكتۇروۆ كوشەسى بويىنداعى 577 پاتەرلىك تۇرعىن ءۇيدىڭ قۇرىلىسىنا باردى. ونىڭ 189 پاتەرى اپاتتى ۇيلەردىڭ تۇرعىندارىنا بەرىلەدى.

د  

«سوڭعى ءۇش جىلدا ەلوردادا تۇرعىن ءۇي قۇرىلىسى بويىنشا بەس جىلدىق كورسەتكىش اجەپتاۋىر ارتتى – 2019 جىلدان باستاپ 8 ملن شارشى مەتر تۇرعىن ءۇي پايدالانۋعا بەرىلدى. جالپى، مەملەكەت باسشىسىنىڭ تاپسىرماسى بويىنشا ەلوردادا قولجەتىمدى تۇرعىن ءۇي قۇرىلىسىنىڭ كولەمى بەس ەسەدەن استام ۇلعايدى»، دەدى ۇكىمەت باسشىسى. 

سونداي-اق ءاليحان سمايىلوۆ ۇكىمەت اتىنان قۇرىلىس سالاسىنىڭ قىزمەتكەرلەرىن كاسىبي مەرەكەلەرىمەن قۇتتىقتادى. 

«قۇرىلىس - وتاندىق ەكونوميكانىڭ ماڭىزدى جانە سەرپىندى دامىپ كەلە جاتقان سالاسى. بيىل ءبىرىنشى جارتىجىلدىقتا قۇرىلىس كولەمى 9%-دان استام ۇلعايدى، 6،6 ملن شارشى مەتردەن استام تۇرعىن ءۇي پايدالانۋعا بەرىلدى. وسى مۇمكىندىكتى پايدالانا وتىرىپ، ەلىمىزدىڭ قۇرىلىسشىلارى مەن سالا ارداگەرلەرىنە تولايىم تابىس، زور دەنساۋلىق جانە اماندىق تىلەيمىن!»، دەدى ءاليحان سمايىلوۆ. 

سونداي-اق جۇمىس ساپارىنا يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆ پەن ەلوردا اكىمى التاي كولگىنوۆ قاتىستى.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار