قوعام • 12 تامىز، 2022

الماتىدا جالعان نومىرمەن جۇرگەن 218 كولىك انىقتالدى

30 رەت كورسەتىلدى

الماتى پوليتسيا دەپارتامەنتىنىڭ باستىعى ارىستانعاني زاپپاروۆ «قورعاۋ – قاۋىپتى جۇرگىزۋشى» اۆتوماتتاندىرىلعان جۇيەسىنىڭ جۇمىسىن زەرتتەدى، دەپ حابارلايدى Egemen.kz.

«كۇن سايىن 800 مىڭنان استام اۆتوكولىك جۇرەتىن ءىرى مەگاپوليس جاعدايىندا بۇل جۇيە ءوزىنىڭ تيىمدىلىگىن كورسەتتى. ول جالعان مەملەكەتتىك نومىرلىك بەلگىلەردى پايدالاناتىن جۇرگىزۋشىلەردى، جارىس ۇيىمداستىرىپ، ءجۇرۋدىڭ اگرەسسيۆتى ستيلىنە مۇمكىندىك بەرەتىندەردى انىقتاۋعا باعىتتالعان. جالعان ءنومىر، ادەتتە، بەينەباقىلاۋ جۇيەلەرىن اينالىپ ءوتۋ ءۇشىن، كوبىنەسە قىلمىس جاساۋ كەزىندە قولدانىلادى. ءبىزدىڭ مىندەتىمىز - مۇنداي فاكتىلەرگە جول بەرمەۋ جانە وسى قاتەرلى پراكتيكانى جويۋ. ساپتىق پوليتسيا بولىمشەسى مەن اقپاراتتىق تەحنولوگيالار وسىنداي قۇقىق بۇزۋشىلىقتاردى انىقتاۋعا بارىنشا باعىتتالعان»، دەدى ارىستانعاني زاپپاروۆ.

الماتى پوليتسياسى باسشىسىنىڭ ايتۋىنشا، وسى ايدىڭ باسىنان بەرى قالا جولدارىندا جالعان مەملەكەتتىك تىركەۋ نومىرلىك بەلگىلەرى بار كولىك قۇرالىن باسقارۋدىڭ 218 فاكتىسى، مەملەكەتتىك تىركەۋ نومىرلىك بەلگىلەرى جوق كولىك قۇرالىن باسقارۋدىڭ 773 فاكتىسى انىقتالدى.

«سونىمەن قاتار جول قوزعالىسى ەرەجەلەرىن جۇيەلى تۇردە بۇزۋعا جول بەرگەن جانە ايىپپۇل تولەۋدەن جالتارعان اۆتوكولىكتەردى ۇستاۋ بويىنشا جۇمىستار جۇرگىزىلۋدە. وسى ماقساتتا ءبىز ۇلكەن اكىمشىلىك ايىپپۇلدارى بار كولىك قۇرالدارىنىڭ ءتىزىمىن جاسادىق. مىسالى، كەشە «ۆاز-21114» ماركالى اۆتوكولىكتىڭ جۇرگىزۋشىسى ۇستالدى. وعان 2 ميلليون 408 مىڭ تەڭگەدەن استام سوماعا ايىپپۇل تىركەلگەن. اعىمداعى ايدىڭ باسىنان بەرى 11 ميلليون تەڭگەدەن استام قارىزى بار 9 اۆتوكولىك مامانداندىرىلعان تۇراققا قويىلدى»، دەپ قوستى ول.

«قورعاۋ - قاۋىپتى جۇرگىزۋشى» جۇيەسىن ەنگىزۋ باستالعاننان بەرى بارلىعى 38 مىڭ 824 قۇقىق بۇزۋشىلىق انىقتالدى، ونىڭ ىشىندە:

  • جىلدامدىق رەجيمىن جۇرگىزۋشىلەردىڭ 33 مىڭ 126 اسۋى;
  • تەحنيكالىق بايقاۋسىز 2 مىڭ 349 كولىك قۇرالىن باسقارۋ;
  • ساقتاندىرۋ ءپوليسىنسىز 2 مىڭ 322 كولىك قۇرالىن باسقارۋ;
  • 83 بۇرىن كولىك قۇرالدارىن باسقارۋ قۇقىعىنان ايىرىلعان.

جۇرگىزىلگەن پروفيلاكتيكالىق ءىس-شارالاردىڭ ناتيجەلەرى بويىنشا مامانداندىرىلعان تۇراق ورنىنا 1 مىڭ 128 اۆتوكولىك قويىلىپ، 485 مەملەكەتتىك تىركەۋ نومىرلىك بەلگىلەرى تاركىلەندى.

سوڭعى جاڭالىقتار

سەمەي قالاسىنىڭ اكىمى تاعايىندالدى

تاعايىنداۋ • بۇگىن، 10:42

مەسسي جەڭىسكە جەتەلەي المادى

فۋتبول • بۇگىن، 07:35

شيرەك فينالعا ءوتتى

تەننيس • بۇگىن، 07:33

ءتورتىنشى ورىنعا تۇراقتادى

تەننيس • بۇگىن، 07:32

جۇلدەنىڭ اۋىلى الىس ەمەس

سپورت • بۇگىن، 07:28

بارىمتاعا – «قارىمتا»

قوعام • بۇگىن، 07:25

اسىق اتۋدان الەم چەمپيونى

ۇلتتىق سپورت • بۇگىن، 07:24

ادام كاپيتالىن ارتتىرۋعا ارنالادى

ەكونوميكا • بۇگىن، 07:20

جاڭا رەفورماعا سەنىم زور

پىكىر • بۇگىن، 07:16

ءۇمىت ءسوزى

پىكىر • بۇگىن، 07:12

بۇل – بولاشاقتىڭ تاڭداۋى

پىكىر • بۇگىن، 07:08

اشىقتىقتى ارتتىراتىن يگى ىستەر

قازاقستان • بۇگىن، 07:05

قۇقىق ۇستەمدىگى – كەلىسىم كەپىلى

قازاقستان • بۇگىن، 07:03

ەرتەڭىمىز ءۇشىن ۇتىمدى شەشىم

ساياسات • بۇگىن، 07:00

كاسىپ كوزى – ءناسىپ كوزى

ەكونوميكا • كەشە

ۇقساس جاڭالىقتار